اپات 15 قاڭتار كۇنى ساعات 8.30 شاماسىندا ماياكوۆسكي كوشەسىندە ورىن الدى. 1997 ج. ت. Toyota-Camry قىزمەتتىك كولىگىن جۇرگىزگەن جۇرگىزۋشى باعدارشامنىڭ جۇرۋگە تىيىم سالىنعان سارى تۇسىنە ءوتىپ، جولداعى ايەل ادامدى يتىمەن بىرگە قاعىپ كەتتى. يت بىردەن وقيعا ورنىنداقايتىس بولسا، 1970 جىلى تۋعان ايەل ادام اۋرۋحاناعا جەتكىزىلىپ، كەيىن ول دا قايتىس بولدى، دەپ حابارلايدى “ادىرنا” ۇلتتىق پورتالى.
"نگ" وقىرماندارى كولىكتى اكىمدىكتىڭ جۇرگىزۋشىسى، دالىرەك ايتقاندا، قوستاناي اكىمى اپپاراتىنىڭ باسشىسى ۆەرا كلوچكوعا بەكىتىلگەن قىزمەتتىك كولىكتىڭ جۇرگىزۋشىسى باسقارعانىن حابارلادى.
بۇگىن بۇل اقپاراتتى قوستاناي قالاسىنىڭ اكىمى قايرات احمەتوۆ رەسمي ساۋالعا بەرگەن جاۋابىندا راستادى.
- اتالعان اۆتوموبيل "قوستاناي قالاسى اكىمىنىڭ اپپاراتى" مم - ءنىڭ تەڭگەرىمىندە، ونى اپپارات باسشىسى دا پايدالانادى، - دەپ حابارلادى قايرات احمەتوۆ.
- قازىرگى ۋاقىتتا اتالعان جۇرگىزۋشى ەڭبەك مىندەتتەرىن ورىنداۋدان ۋاقىتشا شەتتەتىلدى. تاۋلىك بويى بەكىتىلگەن كەزەكشىلىك كەستەسىنە سايكەس قالا اكىمدىگىنىڭ جاۋاپتى قىزمەتكەرلەرى 10.01.2022-19.01.2022 جىلعا دەيىنگى كەزەڭدە تج كەزىندە، 15 قاڭتاردا اۆتوموبيل كەزەكشى لاۋازىمدى تۇلعا - اكىم اپپاراتىنىڭ باسشىسى ۆ.ۆ. كلوچكونىڭ قىزمەتتىك جۇمىسىن قامتاماسىز ەتۋ ءۇشىن جۇمىلدىرىلدى.
قوستاناي وبلىسى پوليتسيا دەپارتامەنتىنىڭ ءباسپاسوز قىزمەتى "نگ"بۇعان دەيىن" سوتقا دەيىنگى تەرگەۋ مالىمەتتەرى قر قپك 201-بابىنا سايكەس جاريا ەتۋگە جاتپايتىنىن " حابارلاعان بولاتىن.
“ادىرنا” ۇلتتىق پورتالى
