Qostanaı ákimi apparatynyń basshysynyń qyzmettik kóligi adam qaǵyp óltirdi

2331
Adyrna.kz Telegram

Apat 15 qańtar kúni saǵat 8.30 shamasynda Maıakovskıı kóshesinde oryn aldy. 1997 j. t. Toyota-Camry qyzmettik kóligin júrgizgen júrgizýshi baǵdarshamnyń júrýge tyıym salynǵan sary túsine ótip, joldaǵy áıel adamdy ıtimen birge qaǵyp ketti. It birden oqıǵa ornyndaqaıtys bolsa, 1970 jyly týǵan áıel adam aýrýhanaǵa jetkizilip, keıin ol da qaıtys boldy, dep habarlaıdy “Adyrna” ulttyq portaly. 

"NG" oqyrmandary kólikti ákimdiktiń júrgizýshisi, dálirek aıtqanda, Qostanaı ákimi apparatynyń basshysy Vera Klochkoǵa bekitilgen qyzmettik kóliktiń júrgizýshisi basqarǵanyn habarlady.

Búgin bul aqparatty Qostanaı qalasynyń ákimi Qaırat AHMETOV resmı saýalǵa bergen jaýabynda rastady.

- Atalǵan avtomobıl "Qostanaı qalasy ákiminiń apparaty" MM - niń teńgeriminde, ony apparat basshysy da paıdalanady, - dep habarlady Qaırat Ahmetov.

- Qazirgi ýaqytta atalǵan júrgizýshi eńbek mindetterin oryndaýdan ýaqytsha shettetildi. Táýlik boıy bekitilgen kezekshilik kestesine sáıkes qala ákimdiginiń jaýapty qyzmetkerleri 10.01.2022-19.01.2022 jylǵa deıingi kezeńde TJ kezinde, 15 Qańtarda avtomobıl kezekshi laýazymdy tulǵa - ákim apparatynyń basshysy V.V. Klochkonyń qyzmettik jumysyn qamtamasyz etý úshin jumyldyryldy.

Qostanaı oblysy polıııa departamentiniń baspasóz qyzmeti "ng"buǵan deıin" sotqa deıingi tergeý málimetteri QR QPK 201-babyna sáıkes jarııa etýge jatpaıtynyn " habarlaǵan bolatyn.

“Adyrna” ulttyq portaly

Pikirler