ماڭعىستاۋدا مۇعالىم ءوزىن مەكتەپكە مۇعالىم ەتىپ ورنالاستىرۋعا ۋادە بەرگەن الاياققا الدانىپ قالعان. ول ءوز قىزمەتى ءۇشىن 750 مىڭ تەڭگە سۇراعان. جاس مامان اقشا بەرگەن، بىراق جۇمىسقا كىرە الماعاسىن پوليتسياعا ارىز جازعان، - دەپ حابارلايدى ”ادىرنا” ۇلتتىق پورتالى “استانا” تەلەارناسىنا سىلتەمە جاساي وتىرىپ.
بۇل وقيعاعا قاتىستى "الاياقتىق" بابى بويىنشا قىلمىستىق ءىس قوزعالدى. كۇدىكتىنىڭ بۇعان دەيىن دە قىلمىستىق جاۋاپكەرشىلىككە تارتىلعانى بەلگىلى بولدى.
"ۇستالعان ازامات كىناسىن تولىق مويىنداپ، ءوز ارەكەتىنە وكىنەتىنىن ايتتى. جابىرلەنۋشىدەن كەشىرىم سۇرادى. ول سوتتان وزىنە قاتاڭ جازا تاعايىنداماۋدى سۇرادى. سوت ۇكىمىمەن ايەل ادام كىنالى دەپ تانىلىپ، ءۇش جارىم جىلعا باس بوستاندىعىنان ايىرىلدى", - دەدى مۇنايلى اۋداندىق سوتىنىڭ سۋدياسى بەرىك وتەەۆ.
“ادىرنا” ۇلتتىق پورتالى
