مەملەكەتتىك قاراجاتتى پايدالانۋدىڭ اشىقتىعى ارتادى

2580
Adyrna.kz Telegram

كۆازيمەملەكەتتىك سەكتوردىڭ ءىرى حولدينگتەرى مەملەكەتتىك قاراجاتتى پايدالانۋدىڭ اشىقتىعىن ارتتىرۋ بويىنشا شارالار قابىلدادى. بۇل تۋرالى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى مالىمدەدى، دەپ حابارلايدى «ادىرنا» ءتىلشىسى.

«2022 جىلعى 13 قاڭتاردا «سامۇرىق-قازىنا» ۇلتتىق ءال-اۋقات قورى» اق مەملەكەتتىك اۋديت ورگاندارىنا بانك قۇپياسىن اشۋعا مەملەكەتتىك قولداۋ الاتىن تۇلعالاردان كەلىسىم الۋ قاعيدالارىن قابىلدادى. بۇل قۇجات ۇلتتىق قور مەن رەسپۋبليكالىق بيۋدجەت قاراجاتىن قوسا العاندا، مەملەكەتتىك قاراجاتتى پايدالانۋدىڭ اشىقتىعىن ارتتىرۋعا باعىتتالعان.
وسى قاعيدالارعا سايكەس قور توبىنىڭ كومپانيالارى مەن ولاردىڭ كونتراگەنتتەرى مەملەكەتتىك قولداۋ العان كەزدە مەملەكەتتىك اۋديت ورگاندارىنا بانك قۇپيانى اشۋى ءتيىس.
بۇل «تۇپكىلىكتى الۋشىعا دەيىن» قاعيداتى بويىنشا جۇرگىزىلەتىن مەملەكەتتىك قاراجاتتى پايدالانۋ تيىمدىلىگىن باعالاۋ ساپاسىن ەداۋىر ارتتىرۋعا مۇمكىندىك بەرەدى»،– دەلىنگەن حابارلامادا.

بۇعان دەيىن وسىنداي شەشىمدەردى «زەردە» اق جانە «بايتەرەك» ۇبح» اق حولدينگتەرى دە قابىلداعان بولاتىن.

سونىمەن قاتار، ۇكىمەت مەملەكەت باسشىسىنىڭ «سامۇرىق-قازىنا» ۇاق» اق جانە كۆازيمەملەكەتتىك سەكتوردىڭ باسقا دا سۋبەكتىلەرىن ترانسفورماتسيالاۋ جونىندەگى تاپسىرماسىن ورىنداۋ بويىنشا جۇمىس جۇرگىزۋدە.

«ادىرنا» ۇلتتىق پورتالى

پىكىرلەر