Kvazımemlekettik sektordyń iri holdıngteri memlekettik qarajatty paıdalanýdyń ashyqtyǵyn arttyrý boıynsha sharalar qabyldady. Bul týraly Respýblıkalyq bıýdjettiń atqarylýyn baqylaý jónindegi esep komıteti málimdedi, dep habarlaıdy «Adyrna» tilshisi.
«2022 jylǵy 13 qańtarda «Samuryq-Qazyna» Ulttyq ál-aýqat qory» AQ Memlekettik aýdıt organdaryna bank qupııasyn ashýǵa memlekettik qoldaý alatyn tulǵalardan kelisim alý qaǵıdalaryn qabyldady. Bul qujat Ulttyq qor men respýblıkalyq bıýdjet qarajatyn qosa alǵanda, memlekettik qarajatty paıdalanýdyń ashyqtyǵyn arttyrýǵa baǵyttalǵan.
Osy Qaǵıdalarǵa sáıkes Qor tobynyń kompanııalary men olardyń kontragentteri memlekettik qoldaý alǵan kezde memlekettik aýdıt organdaryna bank qupııany ashýy tıis.
Bul «túpkilikti alýshyǵa deıin» qaǵıdaty boıynsha júrgiziletin memlekettik qarajatty paıdalaný tıimdiligin baǵalaý sapasyn edáýir arttyrýǵa múmkindik beredi»,– delingen habarlamada.
Buǵan deıin osyndaı sheshimderdi «Zerde» AQ jáne «Báıterek» UBH» AQ holdıngteri de qabyldaǵan bolatyn.
Sonymen qatar, Úkimet Memleket basshysynyń «Samuryq-Qazyna» UÁQ» AQ jáne kvazımemlekettik sektordyń basqa da sýbektilerin transformaııalaý jónindegi tapsyrmasyn oryndaý boıynsha jumys júrgizýde.
«Adyrna» ulttyq portaly
