«Talim TV» ارناسىنىڭ باسشىسى، قوعام قايراتكەرى مۇحامەدجان تازابەك Instagram جەلسىندەگى پاراقشاسىندا ەلدە بولعان تارتىپسىزدىكتەردەن كەيىن استاناعا بارعانىن ايتىپ، ەلوردادان جايماشۋاق اتموسفەرا سەزىلەتىنىن ايتتى، دەپ حابارلايدى «ادىرنا» ءتىلشىسى.
«كەشە استاناعا بارىپ قايتتىم.
«قاڭتار قاسىرەتىنەن» قامىعىپ تۇرعان الماتىدان كەيىن بوراندى بولسا دا ەلوردادا ءبىراز جايماشۋاق اتموسفەرا سەزىلدى.
كەز كەلگەن سوعىس تا اياقتالادى، بوز بوران ۇرىس تا توقتايدى. سول سەكىلدى ەلىمىزدەگى ابىگەر دە باسىلىپ كەلە جاتىر.
اللا اقىرىن حايىرلى قىلسىن!ۇيدە ەركەك بولسا، بالا-شاعا قورىقپاي ۇيىقتايتىنى سەكىلدى، نۇر-سۇلتان تورىندە قاھارمان تۇلعا قاسىم-جومارت اعامىز بار ەكەنى ويعا تۇسكەندە ءبىرتۇرلى كوڭىلىڭ جايلانادى. اللا ىسىنە بەرەكە بەرىپ، قادامىن نىق قىلسىن!
رەتى كەپ، ەلوردادا جۇرگەسىن، جاڭا قىزمەتتەرگە تاعايىندالعان قۇزىرلى اعالارىمىز بەن ىنىلەرىمىزدى قۇتتىقتادىم. ءبارىنىڭ كوزىندە وت، ىنتالارى "ەل" دەپ ۇرىپ تۇر. جاقسىلىققا ءۇمىت ەتتىم. اللا قالاسا، جاڭارعان جارقىن كۇندەردىڭ پايدالى پاراقتارىن وسى ازاماتتار جازادى دەگەن ويدامىن.
ءبىز وسەك پەن عايباتتىڭ، تۇسپال مەن دولباردىڭ قۇربانى ەمەس، ەل مەن جۇرتتىڭ، مەملەكەت پەن وتاننىڭ رۋحاني قىزمەتىندە بولۋىمىز كەرەك.
كەشەگى ساپاردان تىڭ سەرپىن، كۇش-قۋات الىپ قايتتىم.
ەل امان، جۇرت تىنىش بولسىن!»– دەدى ول.
«ادىرنا» ۇلتتىق پورتالى
