«Talim TV» arnasynyń basshysy, qoǵam qaıratkeri Muhamedjan Tazabek Instagram jelsindegi paraqshasynda elde bolǵan tártipsizdikterden keıin astanaǵa barǵanyn aıtyp, elordadan jaımashýaq atmosfera seziletinin aıtty, dep habarlaıdy «Adyrna» tilshisi.
«Keshe astanaǵa baryp qaıttym.
«Qańtar qasiretinen» qamyǵyp turǵan Almatydan keıin borandy bolsa da elordada biraz jaımashýaq atmosfera sezildi.
Kez kelgen soǵys ta aıaqtalady, boz boran urys ta toqtaıdy. Sol sekildi elimizdegi ábiger de basylyp kele jatyr.
Alla aqyryn haıyrly qylsyn!Úıde erkek bolsa, bala-shaǵa qoryqpaı uıyqtaıtyny sekildi, Nur-Sultan tórinde qaharman tulǵa Qasym-Jomart aǵamyz bar ekeni oıǵa túskende birtúrli kóńiliń jaılanady. Alla isine bereke berip, qadamyn nyq qylsyn!
Reti kep, elordada júrgesin, jańa qyzmetterge taǵaıyndalǵan quzyrly aǵalarymyz ben inilerimizdi quttyqtadym. Báriniń kózinde ot, yntalary "el" dep uryp tur. Jaqsylyqqa úmit ettim. Alla qalasa, jańarǵan jarqyn kúnderdiń paıdaly paraqtaryn osy azamattar jazady degen oıdamyn.
Biz ósek pen ǵaıbattyń, tuspal men dolbardyń qurbany emes, el men jurttyń, memleket pen Otannyń rýhanı qyzmetinde bolýymyz kerek.
Keshegi sapardan tyń serpin, kúsh-qýat alyp qaıttym.
El aman, jurt tynysh bolsyn!»– dedi ol.
«Adyrna» ulttyq portaly
