بەلگىلى مەتسەنات، قوعام بەلسەندىسى مارعۇلان سەيسەمباي ءوزىنىڭ فەيسبۋك جەلىسىندە كوروناۆيرۋسپەن اۋىرىپ قالعانىن، كەشەگى وقيعالار كەزىندە كوپتەگەن ادامدارمەن كەزدەسكەنىن، سونىڭ سالدارىنان ىندەت جۇقتىرعانىن جازدى دەپ حابارلايدى "ادىرنا" ۇلتتىق پورتالى.
"مەن كوۆيد-19 بويىنشا تاپسىرعان تەستتەن وڭ ناتيجە الدىم. ناتيجە دۇرىستىعىنا كوز جەتكىزۋ ءۇشىن تەستتى ەكى مارتە تاپسىردىم. قاپ دەپ وتىرمىن، قازىر اۋىراتىن كەز ەمەس ەدى. بىراق، ءبىر جاعىنان، ءار نارسەنىڭ ءوز قايىرى بار عوي دەپ قويامىن.
مەن ۆيرۋستى قايعىلى وقيعالار كەزىندە جۇقتىردىم دەپ كۇدىكتەنەمىن. ەكى جىلدىق پاندەميا كەزىندە ءارتۇرلى ەلدەردە مىڭداعان ادامداردىڭ الدىندا سويلەدىم، سۋرەتكە دە ءتۇستىم، بارىمەن قول الىستىم، ەشتەڭە بولماعان ەدى. ءدال وسى كەزدە جۇقتىرىپ وتىرعانىم-اي.
وسى وقيعالار كەزىندە مەن كوپتەگەن ادامدارمەن كەزدەسكەن ەدىم، ءوزىن-ءوزى قورعاۋ شتابىن، وتريادتارىن ۇيىمداستىردىم، ۇيگە دە ءبىرشاما ادام كەلدى. قىسقاسى، جۇقتىردىم.
ەندى مەنىڭ كيليمانجاروعا كوتەرىلۋىم بۇل جولى ارمان بوپ قالدى. مەن شىڭدى باعىندىرۋعا بارىنشا دايىندالدىم، جاتتىعىپ، سالماق تاستادىم. جارايدى ەندى!
مەن اللا جىبەرگەن بارلىق سىناقتاردى شىنايى ريزاشىلىقپەن قابىلداۋدى ۇيرەندىم! سوندىقتان ءار نارسەنىڭ ءوز قايىرى بارىنا سەنەمىن. ءوز رەجيمىم مەن جۇمىس كەستەمدى شۇعىل قايتا قۇرامىن. ەڭ باستىسى - تەز ارادا جاعدايعا بەيىمدەلۋ، شىندىقتى قابىلداۋ، باسىمدىقتاردى وزگەرتۋ جانە جاڭا جاعدايعا سايكەس ارەكەت ەتۋ. ەندى مەنىڭ باستى ماقساتىم - ەمدەلۋ. بۇل ماقساتىما كەدەرگى كەلتىرەتىن نارسەنىڭ ءبارىن ىسىرىپ قويماقپىن.
P.S. دارىگەردىڭ ايتۋىنشا، وميكروندى بايلانىسقا تۇسكەندەردىڭ بارلىعى 100% جۇقتىرادى. بىراق جاقسى جاڭالىق تا بار - بۇل سونشالىقتى قاتەرلى ەمەس", — دەپ جازدى ول پاراقشاسىندا.
"ادىرنا" ۇلتتىق پورتالى.
⠀
