Qoǵam belsendisi Marǵulan Seısembaı koronavırýspen aýyryp qaldy

3238
Adyrna.kz Telegram
Belgili meenat, qoǵam belsendisi Marǵulan Seısembaı óziniń Feısbýk jelisinde koronavırýspen aýyryp qalǵanyn, keshegi oqıǵalar kezinde kóptegen adamdarmen kezdeskenin, sonyń saldarynan indet juqtyrǵanyn jazdy dep habarlaıdy "Adyrna" ulttyq portaly. 
"Men kovıd-19 boıynsha tapsyrǵan testten oń nátıje aldym. Nátıje durystyǵyna kóz jetkizý úshin testti eki márte tapsyrdym. Qap dep otyrmyn, qazir aýyratyn kez emes edi. Biraq, bir jaǵynan, ár nárseniń óz qaıyry bar ǵoı dep qoıamyn.
Men vırýsty qaıǵyly oqıǵalar kezinde juqtyrdym dep kúdiktenemin. Eki jyldyq pandemııa kezinde ártúrli elderde myńdaǵan adamdardyń aldynda sóıledim, sýretke de tústim, bárimen qol alystym, eshteńe bolmaǵan edi. Dál osy kezde juqtyryp otyrǵanym-aı.
Osy oqıǵalar kezinde men kóptegen adamdarmen kezdesken edim, ózin-ózi qorǵaý shtabyn, otrıadtaryn uıymdastyrdym, úıge de birshama adam keldi. Qysqasy, juqtyrdym.
Endi meniń Kılımanjaroǵa kóterilýim bul joly arman bop qaldy. Men shyńdy baǵyndyrýǵa barynsha daıyndaldym, jattyǵyp, salmaq tastadym. Jaraıdy endi!
Men Alla jibergen barlyq synaqtardy shynaıy rızashylyqpen qabyldaýdy úırendim! Sondyqtan ár nárseniń óz qaıyry baryna senemin. Óz rejımim men jumys kestemdi shuǵyl qaıta quramyn. Eń bastysy - tez arada jaǵdaıǵa beıimdelý, shyndyqty qabyldaý, basymdyqtardy ózgertý jáne jańa jaǵdaıǵa sáıkes áreket etý. Endi meniń basty maqsatym - emdelý. Bul maqsatyma kedergi keltiretin nárseniń bárin ysyryp qoımaqpyn.
P.S. Dárigerdiń aıtýynsha, omıkrondy baılanysqa túskenderdiń barlyǵy 100% juqtyrady. Biraq jaqsy jańalyq ta bar - bul sonshalyqty qaterli emes", — dep jazdy ol paraqshasynda.

"Adyrna" ulttyq portaly.

Pikirler