پرەزيدەنت ۇكىمەتكە حالىقتىڭ كوكەيىندە جۇرگەن ماسەلەلەردى شەشۋگە تاپسىرما بەردى - بەرىك ابدىعاليۇلى

2557
Adyrna.kz Telegram

پرەزيدەنت جاڭادان بەكىتىلگەن ۇكىمەتكە حالىقتىڭ كوكەيىندە جۇرگەن ماسەلەلەردى شەشۋگە تاپسىرما بەردى. بۇل تۋرالى ۇلتتىق قوعامدىق سەنىم كەڭەسى مۇشەلەرىنىڭ قاتىسۋىمەن وتكەن جيىندا ءماجىلىس دەپۋتاتى بەرىك ابدىعاليۇلى ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى ءماجىلىستىڭ جالپى وتىرىسىنداعى سوزىندە ۇلكەن ساياسي مىندەتتەردى قويدى. ول - مەملەكەتتىك تابىستىڭ ادىلەتتى ءبولىنۋى. وسى جولى پرەزيدەنت جاڭادان بەكىتىلگەن ۇكىمەتكە بۇل باعىتتا جۇمىستى جالعاستىرۋعا، حالىقتىڭ كوكەيىندە جۇرگەن ماسەلەلەردى شەشۋگە تاپسىرما بەردى. بۇل ءوز كەزەگىندە ۇكىمەتكە بەرىلگەن ۇلكەن سەنىم جانە مۇمكىندىك»، - دەدى ب. ابدىعاليۇلى.

وسى ورايدا دەپۋتات بۇل باعىتتاعى جۇمىستار توقتاپ قالماۋى كەرەك ەكەنىن، ونى بۇكىل قوعام بولىپ قولداۋ ماڭىزدى بولىپ وتىرعانىن اتاپ ءوتتى.

«مەملەكەت باسشىسى وزەكتى ماسەلەلەردى كوتەرگەنىن بىلەمىز. «سامۇرىق-قازىنا» قورىنا قاتىستى ءبىراز سۇراقتار بولدى. بۇدان بولەك، مەملەكەتتىك كومپانيالاردا قانشاما ءتيىمسىز جۇمسالعان قاراجات بار. مۇنىڭ بارلىعى پرەزيدەنتتىڭ ايتقان ەسكەرتۋىمەن شەكتەلمەي، انىقتالعان دەرەكتەردى قوعامنىڭ تالقىلاۋىنا شىعارۋ كەرەك. سوندىقتان بۇل باعىتتاعى جۇمىستارعا جۇمىلىپ، مەملەكەت باسشىسىنىڭ باستامالارىن جالعاستىرىپ، ونىڭ بارلىعىنىڭ جۇزەگە اسۋىنا ىقپال ەتۋىمىز ماڭىزدى. ياعني كاسىپكەرلەر مەن ەل حالقى ءتيىستى ۇلەسىن قوسقانى ابزال. باستامالارعا قارسىلىق تانىتاتىندار شىعاتىنى بەلگىلى، ويتكەنى توسقاۋىل جاساپ جۇرگەن كەيبىرى ءالى دە قىزمەتتە ءجۇر. وسى ورايدا قوعامنىڭ قولداۋى كەرەك بولىپ تۇر»، - دەدى ول.

«پرەزيدەنت ءماجىلىستىڭ جالپى وتىرىسىندا ساياسي رەفورمالار جايىندا ايتتى. ەندى وسى قالىپتاسقان احۋالعا بايلانىستى تاعى دا ءبىراز ۇسىنىستارىمىزدى دايىندايمىز. مەنىڭ ويىمشا، ۇلتتىق قوعامدىق سەنىم كەڭەسىنىڭ وتىرىسىندا العاشقى ۇسىنىستارىمىزدى بەرەمىز. جالپى، قوعامدىق باقىلاۋدى كۇشەيتۋ ءۇشىن ارنايى ساياسي رەفورمالاردى ىلگەرىلەتۋ جۇمىسىن جالعاستىرامىز»، - دەدى ب. ابدىعاليۇلى.

ايتا كەتەيىك، مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ پارلامەنتى ءماجىلىسىنىڭ وتىرىسىندا بىرقاتار باستامالاردى كوتەردى. پرەزيدەنت«سامۇرىق-قازىنا» قورى مەن ونداعى شەتەلدىك مامانداردى سىنادى.

 

پىكىرلەر