الماتىلىقتار باقىتجان ساعىنتاەۆتىڭ وتستاۆكاسىن تالاپ ەتىپ، پەتيتسياعا قول قويىپ جاتىر

19413
Adyrna.kz Telegram

الماتى قالاسىنىڭ تۇرعىندارى باقىتجان ساعىنتاەۆتىڭ وتستاۆكاسىن تالاپ ەتىپ، پەتيتسياعا قول قويىپ جاتىر، دەپ حابارلايدى "ادىرنا" ۇلتتىق پورتالى "Stan.kz"-كە سىلتەمە جاساپ.

الماتى اكىمى باقىتجان ساعىنتاەۆتىڭ وتستاۆكاعا كەتۋىن تالاپ ەتكەن پەتيتسيا بىرنەشە ساعات ىشىندە 7 مىڭنان استام قول جينادى. ول قازاقستان پرەزيدەنتى قاسىم-جومارت توقاەۆقا باعىتتالعان.

الماتى قالاسىنىڭ تۇرعىندارى قول قويعان پەتيتسيا اۆتورلارىنىڭ پىكىرىنشە، ساعىنتاەۆ "ومىرىندەگى ەڭ ماڭىزدى سىناقتان وتە المادى. ەڭ قيىن كۇندەرى قالا تۇرعىندارىنا مورالدىق جاعىنان دا، فيزيكالىق جاعىنان دا قولداۋ كورسەتپەدى”.

"ول ءتىپتى، قاراپايىم ەفيرگە شىعىپ، الماتىلىقتارعا ۇندەۋ ايتپادى.قولداۋ كورسەتپەدى. ءبىز اكىمدى 8 قاڭتارعا دەيىن كوپشىلىك الدىنان كورمەدىك", - دەلىنگەن پەتيتسيادا.

"قازىرگى قالا اكىمىنىڭ قازىرگى ارەكەتى مەن بۇعان دەيىنگى ارەكەتسىزدىگى قىنجىلتادى. ساعىنتاەۆ مىرزا، تۇرعىنداردىڭ قوعامدىق كەڭەستەگى بەلسەندىلىگىنە، سونداي-اق قالا ءۇشىن باستى قۇندىلىق - بالالار مەن جاقىندارىمىزدىڭ قاۋىپسىزدىگىن العا قويماعانىنا قاراماستان، ءوزىنىڭ كۇن ءتارتىبى بويىنشا جۇمىسىن جالعاستىرۋدا. اكىم مىرزا ەڭ قيىن ساتتەردە باسشى رەتىندە ءوزىنىڭ تولىق دارمەنسىزدىگىن كورسەتتى دەپ ويلايمىز. پاندەميا كەزىندە دە، تەرروريستىك شابۋىلدار كەزىندە دە سولاي بولدى", - دەلىنگەن حابارلامادا.

بەلسەندىلەر پرەزيدەنت قاسىم-جومارت توقاەۆتان جاڭا الماتى اكىمى قىزمەتىنە سايلاۋ وتكىزۋدى سۇرايدى.

"الماتى اكىمى لاۋازىمىنا اشىق سايلاۋ وتكىزۋ ۋاقىتى كەلدى دەپ ەسەپتەيمىز. ەگەر بۇل مۇمكىن ەمەس دەپ ساناساڭىز، وندا سىزدەن تۋعان قالاسىنىڭ مۇقتاجىن جاقسى بىلەتىن جانە وڭتۇستىك استانا تۇرعىندارىنىڭ قولداۋىنا يە بولعان ناعىز الماتىلىقتى قالا اكىمى لاۋازىمىنا تاعايىنداۋىڭىزدى سۇرايمىز", - دەلىنگەن پەتيتسيادا.

ايتا كەتۋ كەرەك، باقىتجان ساعىنتاەۆ الماتى قالاسىن 2019 جىلدىڭ ماۋسىم ايىنان باستاپ باسقارىپ كەلەدى.

 

 

"ادىرنا" ۇلتتىق پورتالى

پىكىرلەر