Almaty qalasynyń turǵyndary Baqytjan Saǵyntaevtyń otstavkasyn talap etip, petıııaǵa qol qoıyp jatyr, dep habarlaıdy "Adyrna" ulttyq portaly "Stan.kz"-ke silteme jasap.
Almaty ákimi Baqytjan Saǵyntaevtyń otstavkaǵa ketýin talap etken petıııa birneshe saǵat ishinde 7 myńnan astam qol jınady. Ol Qazaqstan prezıdenti Qasym-Jomart Toqaevqa baǵyttalǵan.
Almaty qalasynyń turǵyndary qol qoıǵan petıııa avtorlarynyń pikirinshe, Saǵyntaev "ómirindegi eń mańyzdy synaqtan óte almady. Eń qıyn kúnderi qala turǵyndaryna moraldyq jaǵynan da, fızıkalyq jaǵynan da qoldaý kórsetpedi”.
"Ol tipti, qarapaıym efırge shyǵyp, almatylyqtarǵa úndeý aıtpady.Qoldaý kórsetpedi. Biz ákimdi 8 qańtarǵa deıin kópshilik aldynan kórmedik", - delingen petıııada.
"Qazirgi qala ákiminiń qazirgi áreketi men buǵan deıingi áreketsizdigi qynjyltady. Saǵyntaev myrza, turǵyndardyń qoǵamdyq keńestegi belsendiligine, sondaı-aq qala úshin basty qundylyq - balalar men jaqyndarymyzdyń qaýipsizdigin alǵa qoımaǵanyna qaramastan, óziniń kún tártibi boıynsha jumysyn jalǵastyrýda. Ákim myrza eń qıyn sátterde basshy retinde óziniń tolyq dármensizdigin kórsetti dep oılaımyz. Pandemııa kezinde de, terrorıstik shabýyldar kezinde de solaı boldy", - delingen habarlamada.
Belsendiler prezıdent Qasym-Jomart Toqaevtan jańa Almaty ákimi qyzmetine saılaý ótkizýdi suraıdy.
"Almaty ákimi laýazymyna ashyq saılaý ótkizý ýaqyty keldi dep esepteımiz. Eger bul múmkin emes dep sanasańyz, onda sizden týǵan qalasynyń muqtajyn jaqsy biletin jáne ońtústik astana turǵyndarynyń qoldaýyna ıe bolǵan naǵyz almatylyqty qala ákimi laýazymyna taǵaıyndaýyńyzdy suraımyz", - delingen petıııada.
Aıta ketý kerek, Baqytjan Saǵyntaev Almaty qalasyn 2019 jyldyń maýsym aıynan bastap basqaryp keledi.
"Adyrna" ulttyq portaly
