Белгілі ғалым Әділ Ахметовтың жаңа кітаптарының тұсаукесер рәсімі өтті

3205

Бүгін Ұлттық Академиялық Кітапханасында Халықаралық Түркі академиясының ұйымдастыруымен белгілі ғалым, филология ғылымдарының докторы, профессор, Түркі кеңесі Ақсақалдар кеңесінің мүшесі Әділ Ахметовтың жаңа кітаптарының тұсаукесер рәсімі өтті, деп хабарлайды "Адырна" ұлттық порталы. Бұл туралы тарих ғылымдарының докторы Дархан Қыдырәлі, өз Facebook парақшасында мәлімдеді. 

Іс-шараға Қазақстан Республикасының Мемлекеттік хатшысы Қырымбек Көшербаев, Халықаралық Түркі академиясының президенті Дархан Қыдырәлі, Қазақстан Республикасының білім және ғылым министрі Асхат Аймағамбетов, Қазақстан Республикасы Парламенті Сенатының депутаты Қуаныш Сұлтанов, министрдің бірінші орынбасары Қазақстан Республикасының Сыртқы істер министрі Шахрат Нурышев, сондай-ақ зиялы қауым өкілдері мен белгілі ғалымдар қатысты.

Жиналысты академия басшысы Дархан Қыдырәлі жүргізді.

Жаңа кітаптардың тұсаукесерін ашқан Мемлекеттік хатшы Қырымбек Көшербаев Ә.Ахметовтың ұлттық ғылымның дамуына қосқан үлесін ерекше атап өтті.

Кездесу барысында Әділ Ахметовтың «Түркі әлемінің ырым-тыйымдары», «Ғасыр ғибраты» және «Бұрынғы америкалық «үндістердің» Алтайлық тегі» атты еңбектері таныстырылды.

Халықаралық Түркі академиясы әзірлеген «Түркі әлемінің ырым-тыйымдары» монографиясында автор түркі халықтарының түрлі тыйымдары мен тыйым салынған қағидаларына негізделген ырым-тыйымдарды, этикалық рәсімдерді жан-жақты талдап, тыйым салынған ұғымдардың түсіндірме сөздігін ұсынады. «Ғасыр ғибраты» кітабында жаһанданған әлемнің геосаяси келбеті мен әлемдік геосаясаттағы егемен елдің жүріп өткен жолын бейнелейтін сараптамалық мақалалар бар. Сонымен бірге ғалымның “Бұрынғы америкалық «үндістердің» алтайлық тегі” кітабында алғашқы американдықтардың ата-бабалары ғана емес, олардың мәдениеті де Еуразия кеңістігімен, оның ішінде Орталық Азия аймағымен байланысты деген батыл тұжырымдар жасалған.

"Адырна" ұлттық порталы

Пікірлер
Ұқсас жаңалықтар