Қостанайлық прокурор өз-өзіне қол жұмсады

837

Қостанайда қала прокуратурасының қоғамдық мүдделерді қорғау бөлімінің аға прокуроры асылып өлді. Оқиғаның себептері анықталуда, - деп хабарлайды "Адырна" тілшісі Our Kostanay басылымына сілтеме жасап.

Қостанай облысы прокуратурасының баспасөз қызметі қайғылы оқиға 5 мамырда болғанын нақтылады.

"Қостанай облысы аумағындағы орман белдеуінде Қостанай қалалық прокуратурасының қоғамдық мүдделерді қорғау бөлімінің аға прокуроры Дархан Бисахаловтың мәйіті ағаштан табылды. 28 жастағы прокурор асылып өлді», - деп хабарлады басылым.

Ер адамның артында әйелі мен кішкентай қызы қалды дейді.

"Прокурордың өз-өзіне қол жұмсау фактісі Сотқа дейінгі тергеп-тексерудің бірыңғай тізіліміне тіркелді, Қостанай облысының полиция департаменті тергеу жүргізіп жатыр. Оқиғаның себептері анықталуда", - деп хабарлайды портал прокуратураның түсініктемелеріне сілтеме жасап.

Дархан Бисахалов еңбек жолын Денисов аудандық прокуратурасының прокуроры болып бастады. Соңғы лауазымы – Қостанай қаласы прокуратурасының қоғамдық мүдделерді қорғау бөлімінің аға прокуроры. Прокуратура органдарындағы жұмыс өтілі – 4 жыл.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket