Прокурор сексуалдық зорлық-зомбылық жасады деп айыпталған актер Депардьені шартты түрде бір жарым жыл бас бостандығынан айыруды сұрады. Париждің қылмыстық соты өз үкімін 13 мамырда шығарады.
Прокурор Лоран Ги Жерар Депардьені мәжбүрлі психологиялық емдеуден өтуге, екі жылға сайлану құқығынан айрылуға және сексуалдық сипаттағы қылмыс жасағандар тізіміне енгізуге талап қойды.
Жерар Депардье 2021 жылы «Зеленые ставни» фильмінің түсірілімі кезінде екі әйелге сексуалдық зорлық-зомбылық көрсеткені үшін сотталып жатыр.
Оның бірі, 54 жастағы қоюшы суретші Амели Mediapart басылымына берген сұхбатында Депардье оған көптеген орынсыз сөздер айтып, кейін денесін ұстап, қысым көрсеткенін айтты. Ол бұл айыптауды сотта да растады.
Прокурор Лоран Гай, өз кезегінде, бұл істе оқиғаның тікелей куәгерлері болған және Амелидің нұсқасын растаған үш куәгердің айғақтары бар екенін айтты.
Екінші шағымданушы, режиссердің көмекшісі Сара (аты өзгертілді) түсірілім кезінде Депардье оның кеудесі мен бөкселерін ұстағанын айтты.
Жерар Депардье барлық айыптарды «жалған» және «жала жабу» деп атады. Оның адвокаты Жереми Ассус өз қорғаушысын «қудалаудың құрбаны» деп, оны ақтауды сұрады.
Адвокат сот отырыстарында арызданушыларға қатысты дөрекі және қорлайтын сөздер айтқан. Ол, атап айтқанда, оларды «өтірікшілер» деп атады, олардың мақсаты БАҚ назарын аудару екенін айтты
Өз кезегінде, Депардье сотта Амели мен оның арасындағы әңгіме тек түсінбеушіліктен болғанын айтты. Актердің айтуынша, қоюшы суретші жұмысын дұрыс орындамаған.
«Ыстық болды, салмағым 150 келі, көңіл-күйім нашар болды. Мен оны тайып кетпеу үшін оның байқаусызда жамбасынан ұстап алдым, оның мінез-құлқы мені қатты тітіркендірді», - деді Депардье. Осылайша, актер Амелиге сексуалдық ниетпен тиісті деген айыпты жоққа шығарды..
Сондай-аұ, Депардье Амелидің оны басып, аяқтарымен қоршап алды дегенін жоққа шығарды.
«Осындай қарынмен мен ешкімді аяқтарымның арасына сыйдыра алмаймын, егер қаласаңыз, тәжірибе жасайық», деді актер.
Сот отырысында Депардье кейде «дөрекі» екенін, бірақ өзін зорлаушы деп санамайтынын айтты. Сонымен бірге, Депардье сексуалдық зорлық-зомбылық деп санауға болатын нәрсені «білмейтінін» мәлімдеді.
