Elbasymyzdyń «Bolashaqqa baǵdar: rýhanı jańǵyrý» baǵdarlamasy aıasynda Yntymaq pen Birlikke shaqyrar dástúrli meıram – Amal merekesi tuńǵysh ret respýblıkalyq deńgeıde atalyp ótti.
Máshhúr-Júsip (Pavlodar), Abaı-Shákárim (ShQO), Qorqyt ata (Qyzylorda), Qoja-Ahmet Iassaýı (OQO), Aqmeshit (OQO), Saraıshyq (Atyraý), Beket ata (Mańǵystaý) keseneleriniń jáne Ulytaý kesheni (Qaraǵandy) shyraqshylarynyń qatysýymen, elimizdiń ár aımaǵynan kelgen 3 júzdiń urpaqtary men resmı delegaııa Otpan taýdyń baýyrynda bas qosyp, Birlik otyn jaqty.
Yntymaq pen berekeniń, turaqtylyq pen tatýlyqtyń belgisine aınalǵan Birlik otyn jaǵý tarıhı sátinde Oblys ákimi Eraly Toǵjanov atalmysh meıramnyń mán-maǵynasyna toqtalyp, halyqty Amal merekesimen quttyqtady.
«Elbasymyz «Bolashaqqa baǵdar: rýhanı jańǵyrý» baǵdarlamalyq maqalasynda «Ulttyq salt-dástúrlerimiz, tilimiz ben mýzykamyz, ádebıetimiz, joralǵylarymyz, bir sózben aıtqanda ulttyq rýhymyz boıymyzda máńgi qalýǵa tıis. Abaıdyń danalyǵy, Áýezovtiń ǵulamalyǵy, Jambyldyń jyrlary men Qurmanǵazynyń kúıleri, ǵasyrlar qoınaýynan jetken babalar úni – bular bizdiń rýhanı mádenıetimizdiń bir parasy ǵana» degen. Qazany ottan, azamaty attan túspegen qazaq eliniń órkenıeti men tarıhy Mańǵystaýda ár jýsannyń túbi men betegesiniń bıiginde saırap jatyr. Bul qasıeti sút betindegi qaımaqtaı buzylmaǵan kıeli Mańǵystaýdyń shyraıy. Qazaqstannyń eshbir óńirinde toılanbaıtyn birliktiń belgisine, tatýlyqtyń tańbasyna aınalǵan qasterli merekede keń qushaqtar aıqara ashylyp, tós toǵystyryp, alys-jaqyn kórisip, bar ókpe-naz keshiriledi. Tegin umytpaý tektiliktiń belgisi. 2 kúnge jalǵasatyn osynaý ıgi is-sharanyń basy-qasynda júrgen barsha azamattarǵa, Qunanorys urpaqtaryna alǵys aıtamyn. Amaldan amalǵa aman-esen jete bereıik, aǵaıyn!».
2008 jyldan beri Amal merekesin barlyq sán-saltanatpen Otpan taýdyń basynda toılaý úrdiske aınaldy. «Amal -2018» mádenı kópshilik sharasynyń maqsaty – halyq birligin jáne tutastyǵyn nyǵaıtý, ulttyq salt-dástúrdi dáripteý.
2 kúnge jalǵasqan baǵdarlamada «Amal merekesi – rýhanı jańǵyrýymyzdyń jarshysy» atty dóńgelek ústel uıymdastyrylyp, «Armysyń, Amal!» atty oblys jyrshylarynyń qatysýymen jyr keshi ótti. Qatysýshylar Aýdaryspaq, Qunan jarys jáne Alaman báıge syndy qazaqtyń ulttyq oıyndarynan baq synasty.
60-tan astam kıiz úı tigilip, 200-den astam ónerpaz óner kórsetti. Ulttyq sporttyq oıyndardan jarystar ótip, alaman báıge uıymdastyrylyp, júldelerge baǵaly syılyqtar men aqshalaı syıaqy berildi. Merekelik sharada «Shashý bop jyrym shashylsyn» Respýblıkalyq jyr mektepteri ókilderi (Jetisý, Arqa, Batys, Altaı-Tarbaǵataı mektepteri) men «Men qazaqpyn» mega jobasy júldegerleriniń qala, aýdan ónerpazdary konerttik baǵdarlamasy usyndy. «Amal-2018» aıasynda «Aıaly aǵash – saıaly» tal otyrǵyzý akııasy ótti.
Jalpy qatysýshylar sany 5000 adamdy quraıtyn bul sharada Qazaq dalasynyń óneri, salt-dástúri, ulttyq bolmysty beıneleıtin qoıylymdar qoıylyp, án-kúıden, jyr-termeden shashý shashylyp, qolóner jáne túrli taqyryptaǵy kórmeler jurtshylyqqa tanystyryldy.
