Kolumbiia prezidentı Gustavo Petro Venesuelada oryn alyp jatqan jaǧdaiǧa bailanysty Bırıkken Ūlttar Ūiymy men Amerika memleketterı ūiymynyŋ şūǧyl otyrysyn ötkızuge şaqyrdy, dep habarlaidy "Adyrna" ūlttyq portaly Report-qa sıltep.
Prezident Petro äleumettık jelıdegı jazbasynda:
«Qazırgı uaqytta Karakasqa bomba jaudyrylyp jatyr. Būl bükıl älem üşın qauıp. AMŪ men BŪŪ dereu otyrys şaqyruy tiıs», – dep atap öttı.
Ol sondai-aq Kolumbiianyŋ BŪŪ Qauıpsızdık Keŋesınıŋ müşesı retınde halyqaralyq qūqyq tūrǧysynan Venesuelaǧa qarsy agressiiany baǧalau mındetı baryn aitty.
Halyqaralyq BAQ deregınşe, Venesuela qaruly küşterı prezident rezidensiiasy Miraflores maŋyna bronetehnika şyǧaryp, qauıpsızdıktı küşeitken. Sol aimaqta kemınde jetı jarylys tırkelgen, al qorǧanys ministrınıŋ üiı, port jäne azamattyq äuejaiǧa soqqy jasalǧan.
