Belgili aktrısany kelemejdegen Qabatov eldiń ashýyn týdyrdy (VIDEO)

2997
Adyrna.kz Telegram

Tanymal shoýmen Tursynbek Qabatov "Ázil álemi" teatrynyń merekelik keshinde Kann festıvalinde úzdik aktrısa atanǵan tuńǵysh qazaq qyzy Samal Eslıamovany asúıde baýyrsaq pisirip kelgen áıelge teńedi dep habarlaıdy "Adyrna" ulttyq portaly "Ekspress K" saıtyna silteme jasap.

Qazaqstandyqtar shoýmenniń keshin kórermen nazaryna usynǵan ulttyq arna aktrısadan keshirim suraýy kerek ekenin alǵa tartty.

Tursynbek Qabatov ózi jetekshilik etetin teatrdyń merekelik keshinde búkil álemge tanylǵan aktrısa Samal Eslıamova sahnaǵa shaqyrady. Sol sátte talantty qazaq qyzymen ázildeımin dep, kóptiń ashýyn týdyrdy. Aktrısadan Kann festıvalinde qyzyl kilemmen júrip ótkendegi sezimin suraıdy. Samal Eslıamova bul festıvalge ekinshi ret barǵanyn, sondyqtan qobaljý bolmaǵanyn aıtady.

"Qazaq elinen kelgen ártis dep basymdy kóterip óttim"— deıdi aktrısa. Osy sátte shoýmen Samal Eslıamovanyń syrtqy kelbetine qatysty ázildeıdi.

"Aktrısalar bólek bolady ǵoı, túrinen kórinip turady aktrısa ekeni. Sizge qarasam, jańa ǵana "kýhnıadan" shyǵyp baýyrsaq pisirip, sosyn nan salyp, konert bitken soń kelip jeımin dep ketken adam sekildisiz. Óte qarapaıym... Men Kann festıvalin jeńip kelsem, búıtip turmas edim bar ǵoı. Men múmkin bul jerge kelmeıtin de shyǵarmyn. Zoom arqyly tikeleı efırge shyǵyp, "amansyzdar ma?" dep qoıyp úıde otyrar ma edim", — deıdi Tursynbek Qabatov.

Munan soń shoýmen aktrısaǵa kelgeni úshin rahmet aıtyp, sahnadan shyǵaryp salady da, ázilin taǵy jalǵastyrady.

"Andjelına Djolı sııaqty úırenip alsańyzshy solardan... Myna jeri ashyq kóılek... Oı, qaljyńdaımyn. Kerek emes. Sizden ondaı shyqpaıdy. Siz qarapaıym, sol baýyrsaǵyńyzdy pisirip júre berińiz...", — deıdi shoýmen.

Bul merekelik kesh ulttyq arnadan kórermen nazaryna usynylǵan. Jańajyldyq keshti kórgen qazaqstandyqtar Tursynbek Qabatovty sógip tastady.

Áleýmettik jelilerde shoýmenniń áreketi qyzý talqylanyp jatyr. Kóbi onyń ázilin orynsyz dep, kórgensizdik tanytty deıdi.

Facebook qoldanýshysy Almagúl Isına shoýmen dúıim jurttyń kózinshe álem tanyǵan aktrısany mazaq qyldy dep aıyptady. Tanymal jýrnalıst Gúlbaný Ábenova da shoýmenniń qylyǵyn ábestik dep atap, túk kórmegendikke balady. Ol bul týraly oıyn Facebookparaqshasynda jazdy.

"Múmkin Samal Eslıamovaǵa brendti kıimder qoljetimsiz shyǵar? Biraq bul eldiń kózinshe olaı qorlaýǵa bolady degen sóz emes... Ulttyq arnada efırge usynbas buryn onyń sózin qyrqap tastaıtyn redaktor tabylmady ma? Respýblıkalyq arna men shoýmenniń ózi aktrısa jáne kórermenderden keshirim suraýy tıis dep sanaımyn", — dep jazdy jýrnalıst.

Sondaı-aq "Baıtaq bolashaq" ekoalıansynyń tóraǵasy Azamathan Ámirtaı da Tursynbek Qabatov aktrısany mazaq etti dep otyr.

Aıta ketý kerek,  Samal Eslıamova 71-shi Kann kınofestıvalinde "Aıka" fılmindegi róli úshin úzdik aktrısa atanǵan bolatyn.

 

"Adyrna" ulttyq portaly.

Pikirler