QazITÝ Ǵylymı kitaphanasy bıyl ýnıversıtet basshylyǵynyń qoldaýymen kúrdeli jóndeý jumystaryn támamdap, oqyrman qaýymyna usynyldy. Mundaǵy kóz tartatyn kórkem ári kreatıvti ınterer, jańarǵan katalogtar kitaphanaǵa degen súıispenshilikti artyra túsedi.
Kitaphana – ári paıdaly, ári kóńil jaılandyratyn jerge aınalǵan. Kitaphanada jańa oqý zaly, elektrondy oqý zaly, májilis zaly, magıstranttar zaly men kórmege qajetti keńistik bar. Jalpy qarastyrǵanda stýdentterdiń qoldanýyna yńǵaıly barlyq jaǵdaılar jasalǵan.
Sonymen qatar Mamandandyrylǵan oqý zaly men merzimdi basylymdar oqý zaly qoldanysqa berilgen. Búgingi tańda kitaphanadaǵy jalpy kitap qory 335162 dana oqý jáne ǵylymı ádebıetten, onyń ishinde 141612 dana qazaq tilindegi kitaptardan, 60067 dana qosymsha ádebıetten quralǵan.
"Qazaq jemis sharýashylyǵy jáne júzim sharýashylyǵy ǵylymı – zertteý ınstıtýty", "Qazaq qaıta óńdeý jáne tamaq ónerkásibi ǵylymı–zertteý ınstıtýty" sııaqty mekemelermen kelisim shart jasalyp, Ǵylymı kitaphana qory sırek kezdesetin kitaptarmen tolyqtyrylǵan. Árbir paıdalanýshyǵa ýnıversıtettiń bilim berý proesi men ǵylymı zertteýlerin qoldaýǵa yqpal etetin kez kelgen aqparattyq resýrstarǵa sapaly jáne tıimdi qoljetimdilik berilgen.
Kitaphana ǵalamdyq ınternet jelisine qosylǵan. Qosylý jyldamdyǵy 100Mb/s., WI-FI baılanys núktesi arqyly Elektrondy oqý zalyndaǵy 24 kompıýter kómegimen oqytýshylar men stýdentter Internet resýrstaryn qoldana alady.
Ǵylymı kitaphanada zaman talabyna saı «KABIS.Full» Avtomattandyrylǵan qazaqstandyq baǵdarlamasy arqyly oqyrmandarǵa qyzmet kórsetý úderisi jańasha túrde júrgizilgen. Kitaphanadaǵy qyzmet túrleri avtomattandyrylyp, aqparatty jedel izdeý jáne oǵan tapsyrys berý jeńildetilgen.
Oqyrmandarǵa Internet jelisi arqyly respýblıkalyq joǵary oqý oryndary aralyq elektrondy kitaphanany (RJEK), Springerlink.com, Clarivate Analitics, Halyqaralyq baspa kompanııalary Springer, Web of Science, Scopus basylymdarynyń derekqoryn tolyǵymen paıdalanýǵa jaǵdaı jasalǵan.
Sondaı-aq merzimdi basylymdar mańyzdy aqparat kózi bolyp tabylady. Jyl saıyn ýnıversıtet kitaphanasy merzimdi qazaqstandyq jáne reseılik basylymdarǵa qol qoıad. Qazaqstan jáne shetel Ǵylym Akademııasy men Reseıdiń joǵary oqý oryndary qalyptastyratyn ǵylymı basylymdarǵa jazylýǵa kóp kóńil bólingen. Oqý proesinde ár túrli bilim salalary boıynsha eń ózekti jáne jedel aqparattan turatyn merzimdi basylymdar úlken kómek kórsetedi, olardyń ishinde ýnıversıtettiń profıli boıynsha jýrnaldar úlken úles alady.
Kitaphana qabyrǵasynda aqyn jazýshylar, tanymal tulǵalarmen qyzyqty kezdesýler, qoǵamda bolyp jatqan ózekti máselelerge arnalǵan dóńgelek ústelder, konferenııalar, ashyq esik kúnderi jıi ótkizilip turady. Ár sharaǵa kitap kórmeleri uıymdastyrylady.
Bilim berý naryǵynda joǵary oqý ornynyń básekege qabilettiligin arttyryp, ýnıversıtettiń ǵylymı-zertteý úderisterin damytý úshin, kitaphananyń orny erekshe. Bıyl el Táýelsizdiginiń 30 jyldyǵy men QazITÝ-dyń 20 jyldyǵynda jańarǵan kitaphananyń qoldanysqa berilýi oqyrman úshin úlken qýanysh boldy.
