2007 jyldyń qańtary. Jumysym Astanaǵa aýysty. Memqyzmetke alǵash kelýim. Uzyn arqan, keń tusaý jýrnalıstıkaǵa úırengen adamnyń qatań tártip memqyzmetke beıimdelýi ońaı emes eken. Stresten asqazan aýyra bastady.
Shekteý kóp. Aılyq az. Astymda nesıege alǵan eski kóligim bar. Oń jaǵalaýda bólme jaldap turam. Jumys Sol jaǵalaýda.
Jumysqa shyqsam qol kótergen adam. Kún sýyq. Jolaı alyp ketem. 500 tg. Ol kezde Almatyda taksı arzan edi. 200-300 tg. Onda da, bir baǵyt bolsa, adamdardy mingestirip ala beresiń.
Al munda saýdalasyp turmaıdy. Jumysqa bararda bir adam, qaıtarda bir adam ala ketem. Túski as pen jaǵarmaı aqtalyp jatyr.
Sóıtsem, tek men emes, qarapaıym sheneýnikterdiń kóbi taksıletedi eken. Áli de solaı dep oılaımyn.
Bostonda 2 jyl turdym ǵoı. Onda da sol. Muǵalimder qol bos kezde Uber arqyly taksıletedi. Qosymsha qarjy tabady, salyq tóleıdi.
Qazir memqyzmetkerlerge qosymsha jumys isteýge ruqsat berý qarastyrylyp jatyr eken. Qos qoldap qoldaımyn.
Memqyzmetkerlerdiń barlyǵynyń ishkeni aldynda, ishpegeni artynda shalqyp ómir súredi dep oılaıtyndar qatelesedi.
Tabys jaǵynan qarar bolsaq, qazir memqyzmetker bolyp shekteýmen ómir súrgennen, bir IP ashyp alyp, shaǵyn kásippen aınalysqan tıimdirek. Sondyqtan da bolar, memqyzmetke kezekke turǵan adam az.
Osyny eskerip, memqyzmettiń tartymdylyǵyn arttyratyndaı jaǵdaılar qarastyrylyp, halyqaralyq tájirıbe qarastyrylǵany jón.
