Shymkent ákimi M.Áıtenovtiń shalǵaı aýdandardyń ınfraqurylym máselesin sheshý jónindegi tapsyrmasyna sáıkes, bıyl qalada 2 qosalqy stansanyń (Bozaryq 220/110/10 kV, «1-M-1» 110/10kV) jáne 7 (Dostyk t.a., Jalyn, Aqjar, Yntymaq-2, Aıkól, Igilik, Táýelsizdikke 20 jyl) eldimekende qurylys jumystary aıaqtaldy. Nátıjesinde 21,3 myńǵa jýyq adam sapaly elektr qýatymen qamtylyp, 97 paıyzdy qurady.
Al, keler jyly 11 nysannyń, onyń ishinde 9 eldimekende (Dostyq sh.a., Batys, Nurtas, Saýle, Turan) ishki júıeleriniń jáne 2 qosalqy stansanyń («Aqjar» 110/35/10kV, «Yntymaq» 110/35/10kV) qurylys jumystary júrgiziledi. Nátıjesinde 1 qosalqy stanııanyń, 9 eldimekende ishki júıelerdiń qurylys jumystary aıaqtalyp, 17 myńǵa jýyq adam sapaly elektr qýatymen qamtylady. Megapolıstiń elektr jelisimen qamtylý kórsetkishi 99 paıyzǵa jetpek.
2023-2025 jyldary qalanyń perspektıvalyq damýyna qajetti 6 joǵary kerneýli (110-220kV) qosalqy stanııanyń qurylysy salynady dep josparlanýda.
Shymkent qalasy ákimdiginiń baspasóz qyzmeti