Almatyny sumen qamtamasyz etetın ärı kärız jüielerınıŋ jūmysyn qadaǧalaityn "Almaty Sudyŋ" 100-den astam qyzmetkerı jūmysqa şyǧudan bas tartty. Aitularynşa jalaqylary tym az. Būdan bölek qyzmettık kiımderınıŋ sapasy syn kötermeidı. Jūmystaǧy eŋbek qauıpsızdıgı de saqtala bermeidı eken, dep habarlaidy “Adyrna” ūlttyq portaly 31-arnanyŋ "İnformbiuro" baǧdarlamasyna sılteme jasap.
Taŋǧy saǧat jetıden bastap jinalǧan jūmysşylar mekeme ışıne kıre almady. Alaida basşylyqtan būryn poliseiler jetken. Esık aşylǧan soŋ jūmysşylar öz talaptaryn jetkızdı.
"Qaraǧym-au. Naqty jauap berşı er jıgıt ūqsap. Qaşan köteredı? Toqaev, mysaly, eŋ tömengı jalaqyny 42 500 den 60 000-ǧa köterıp otyr", - dedı mekeme jūmysşysy Qairat Erdebaev.
"Qanşama jıgıtter ketıp qalyp jatyr. Soǧan käsıpodaqtan materialdyq kömek beru kerek. Kömek sūrasaŋ jaŋaǧyndai bır jiyrma myŋ berıp jas balany aldaǧandai aldap qoiady. Baiaǧy jartas sol jartas degendei sol jüz myŋnan on bes myŋ qosty, sonyŋ özımen älı kele jatyrmyz mıne. Onyŋ özı nauryzda ǧana. Jüz myŋ deimız", - dep mälımdedı "Almaty su" mekemesınıŋ kölık jürgızuşısı Nūrbolat Beiseev.
Jūmysşylar qalada jaŋa audandar köbeiıp jatsa da, jalaqynyŋ müldem öspeitının tüsıne almai dal. Al mekemenıŋ resmi ökılı 2024 jylǧa deiın tarif bekıtılgendıkten jalaqy özgermeidı dep kesıp aitty.
"Iаǧni qazır qalada sudyŋ baǧasy 48 teŋge, kärız jüiesı 25 teŋge. Soǧan bailanysty jalaqy bolady", - dedı “Almaty Su” MKK resmi ökılı Serık Şagirov.
Jūmysşylar tarqaǧanda kelgen Almaty sudyŋ direktory kompaniianyŋ qaryzy 400 million teŋgeden asyp ketkenın aitqan.
"Qazır aita almaimyn. Osy biylǧy jyly byltyrǧy jyldyŋ qaryzdary jabyldy. Qazır 441 million teŋge qaryz bar. Sondyqtan memleketten subsidiia sūrap otyrmyz", - dedı "Almaty Su" MKK bas direktory Qairat Adrasilov.
Endı mūndaǧy jūmysşylar talaptarymyz oryndalmasa äkımdıkke şaǧymdanamyz dep otyr.
”Adyrna” ūlttyq portaly
