Túrkııada Qazaqstan azamattary Jerorta teńizi jaǵalaýynan páterler men vıllalardy belsendi túrde satyp alyp jatyr, - dep habarlaıdy “Adyrna” ulttyq portaly KTK telearnasyna silteme jasap.
Túrik aqparat quraldary málimetinshe, keıingi bir aıda 300-ge jýyq qazaqstandyq teńiz jaǵalaýynan páter satyp alǵan. Bul eldiń iri qalalary men Soltústik Kıprdi esepke almaǵanda.
"2021 jyldan beri jyljymaıtyn múlik baǵasy 30 paıyzǵa, jaldaý aqysy 50 paıyzǵa ósti. Degenmen baspanaǵa suranys tómendegen joq. Ony, negizinen, sheteldikter satyp alady. Eń kóp suranys reseılikter men qazaqstandyqtar arasynda", - dedi rıeltor Djıhangır Gokler.
Sheteldikter úshin turǵyn úı satyp alý Túrkııada turýǵa ruqsat alýǵa múmkindik beredi. Bul satyp alýshylardy tartady.
"Bul jerde 50h50. Munda turýǵa keletinder bar. Demalýǵa keletinder bar", - deıdi rıeltor Mırbek Turmaǵambetov.
Degenmen qazaqstandyqtar Túrkııada jyljymaıtyn múlikti tek ınvestıııalyq tartymdylyq úshin ǵana satyp almaıdy. Sarapshylar paıymdaýynsha, osylaısha azamattar qolda bar kapıtalyn saqtap qalýǵa tyrysady. Onyń ústine, ondaǵy baspana ulttyq valıýtamen emes, eýromen satylady.
"Qazir Túrkııaǵa belsendi túrde ınvestıııa salyp jatqan qazaqstandyqtardyń edáýir bóligi sonda turady. Bul, negizinen taıaý jyldardaǵy turaqtylyq belgisiz bolýyna baılanysty: ekonomıkalyq ta, saıası da. Túrkııanyń klımaty óte qolaıly, baǵasy óte tómen, ómir súrý quny tómen, ómir súrý sapasy salystyrmaly túrde joǵary", - dep túsindirdi ekonomıst Rahym Oshaqbaev.
Jyljymaıtyn múlik agenttikteri málimeti boıynsha, qazaqstandyqtar Túrkııada osy aıda satyp alynǵan úıler sany boıynsha qazir besinshi orynda tur. Tek Iran, Irak, Reseı jáne Germanııa azamattary kósh basynda.
”Adyrna” ulttyq portaly
Басқалармен бөлісе отырыңыз
