Qazaqstan Almaty oblysyndaǧy Ülken auylynyŋ maŋynda atom elektr stansiiasyn salu mümkındıgın qarastyruda, dep habarlady «Samūryq-Qazyna» ūlttyq äl-auqat qorynyŋ töraǧasy Almasadam Sätqaliev. Būl turaly "Adyrna" ūlttyq portaly habarlaidy.
«Qazır bız (...) Almaty oblysynda (...) AES qūrylysyn qarastyryp jatyrmyz (...) Ūlttyq elektr jelısınıŋ topografiiasy boiynşa Ülken auyly eŋ qolaily aimaq. 500 kilovolttyq jetkılıktı tarmaqtalǧan jelı mümkındıgı bar, negızgı qosalqy stansiiasy bar - Iýg-GRES 500. Būl aimaq bazalyq quatty sol jerge ornalastyruǧa (...) jäne elektr energiiasynyŋ soltüstık-oŋtüstık tranzitın tūraqtandyruǧa öte yŋǧaily. Sonymen qatar Ortalyq Qazaqstanǧa elektr quatyn qaita bölu mümkındıgı bolǧan jaǧdaida «Qaraǧandy, al Soltüstık-Oŋtüstık tranzitınde oŋtüstık oblystarǧa da taratuǧa qolaily meken", - dedı ol jurnalisterge särsenbı küngı ükımet otyrysynda.Onyŋ aituynşa, atom elektr stansiialaryna qajettı qūral-jabdyqtardy şyǧaratyn negızgı öndıruşılerden bırneşe ūsynystar bar. «Reseiden, Qytaidan, Fransiiadan ūsynys, amerikandyq jabdyq öndıruşılerden ekı ūsynys bar. Şeşımderdı qabyldau kezınde barlyq spektr – qoldanylatyn tehnologiialardyŋ qauıpsızdıgı, salynǧan iadrolyq reaktorlardy paidalanu boiynşa osyndai ozyq täjıribelerdıŋ sany, sondai-aq baǧa mäselesı, otyndy Qazaqstanda oqşaulau mümkındıgı eskerıletın bolady. Qazırdıŋ özınde kompaniia deŋgeiınde tiıstı täsılder qarastyryluda, dedı ol. «Atom elektr stansasyn salu kezınde bız öz resurstarymyzdy barynşa paidalanudy, onyŋ ışınde otyn tabletkalary men otyn jinaqtaryn öndırudı, sondai-aq tüpkılıktı önımdı Qazaqstanda lokalizasiialau mümkındıgın mındettı şart retınde qoiamyz». Memlekettık qor basşysy «kezınde, şamamen 15 jyl būryn men MAGATE basşylyǧymen osy taqyrypta söileskenmın» dedı. «Sodan keiın MAGATE elektr jelılerınıŋ damu erekşelıkterıne, bızdıŋ energetikalyq jüienıŋ kerneu klasyna, bılıktı kadrlardy daiyndau mümkındıgı, logistika faktoryna süiene otyryp, bızge Reseidı ūsyndy», - dedı ol. «Tüpkılıktı şeşımdı taŋdaǧan kezde ükımet bırqatar kriteriilerdı basşylyqqa alatyny anyq». Onyŋ paiymdauynşa, «eŋ tiımdı şeşım – atom energetikasy, energiianyŋ būl türı elektr energiiasymen tūraqty (...) qamtamasyz etedı jäne Qazaqstannyŋ uran rudasyn öndırudegı äleuetın paidalanady».
"Adyrna" ūlttyq portaly
Ūqsas jaŋalyqtar
