Elbasy Nursultan Nazarbaev han-sultandarymyzdyń armanyn oryndap, jańa Qazaq memleketiniń irgetasyn qalady. Mundaı pikirdi Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly bildirdi.
«Rasynda táýelsiz elimizdiń ərbir jetken jetistiginde, baǵyndyrǵan belesinde Tuńǵysh Prezıdentimiz – Elbasy Nursultan Nazarbaevtyń qoltańbasy jatqanyn aıtý, alǵys bildirý – adamgershilikten. Biz – adamdar arasyndaǵy alaýyzdyqqa, dinder arasyndaǵy daý-damaılarǵa tosqaýyl qoıýǵa talpynǵan, tynyshtyq pen tatýlyqty basty tirek etken elmiz. Baýyrmaldyq, meıirbandyq, dostyq, qamqorlyq syndy qundylyqtar – qazaq halqynyń tabıǵı bolmysynda bar asyl qasıetter. Baǵzy zamannan beri bereke men birlikti, yntymaq pen yrysty, dostyq pen tatýlyqty tý etken Qazaq eli táýelsizdiktiń sanaýly jyldarynda alys-jaqynnyń arasyn jarastyryp, dini bólekterdi bir dóńgelek ústel basyna jınaǵan bitimger memleketke aınaldy. Ol keshegi han-sultandarymyzdyń armanyn oryndap, jańa Qazaq memleketiniń irgetasyn qalady. Memleketti basqarýda ult birligin, din birligin birinshi orynǵa qoıyp, dostyq pen kelisimniń úzdik úlgisin qalyptastyra bildi. Allaǵa shúkir, osynaý sarabdal saıasattyń arqasynda bizdiń elimizde tynyshtyq pen turaqtylyq saltanat qurdy», - dep atap ótedi Bas múftı.
