Naýryz merekesin ulttyq úlgide aýqymdy etip ótkizý jóninde QR Mədenıet jəne sport mınıstri Arystanbek Muhamedıuly jańa bastama kótergen bolatyn. Mınıstrdiń maqalasy «Abai.kz» aqparattyq portalynda jarııa boldy. Osyǵan oraı biz de elimizdiń bir top qoǵam qaıratkeleriniń pikirlerin bilýge tyrystyq.
Qarlyǵash Nuǵmanqyzy Shota, T.Júrgenov atyndaǵy QazUÓA-nyń professory:
- Ulystyń uly kúni – Naýryz meıramy kóneden kele jatqan jer sharyndaǵy kóptegen halyqtardyń dástúrli de, saltanatty meıramy, kóktem merekesi. Osy oraıda men de óz áriptesterim sııaqty Qazaqstan Respýblıkasynyń Mádenıet jáne sport mınıstri Arystanbek Muhamedıulynyń suhbatymen tanysyp, óz pikirimdi kópshilikke jetkizýdi jón sanadym.
Mınıstr myrza: «Naýryz eń áýeli baldyrǵandarǵa arnalýy kerek»,– dep, Naýryz meıramyn jańa úlgide ótkizýdiń joldaryn jan-jaqty áńgimelep, meıram aıasynda memlekettik deńgeıdegi dástúrli mádenı jáne sporttyq is-sharalar uıymdastyrýdy jandandyrý kerektigin ashyq aıtqan eken. Shynymen de «Naýryz» degende eń aldymen oıymyzǵa ata-babamyzdyń salt-dástúri, úlkenge izet, kishige shapaǵat jasaý, kembaǵalǵa – qamqorlyq, jetim-jesirge kómek qolyn sozý t.b. izgi nıetter oralady.
Bul suhbatta tól merekemiz Naýryz – tabıǵattyń jańarýy, jańa jyldyń, jańa ómirdiń bastalýy ekendigin aıta kelip, Arystanbek Muhamedıuly: «Ulytaý suhbatynda Elbasy N.Á.Nazarbaevtiń «Biz ulttyq mádenıetimiz ben salt-dástúrimizdi qasterleýimiz kerek»,– degen sózine erekshe toqtalyp, bul sózdiń astarynda úlken mán-maǵyna jatqandyǵyn jáne adamnyń adamgershilik qundylyqtaryn jas urpaqtyń boıyna jas kezinen sińdire bilýdiń joldaryna naqty toqtalýy berilgen suhbattyń mazmunyn tereńdete túsedi.
Mınıstr myrza óz sózinde Naýryz meıramyn ótkizýdiń zamanaýı sharalary týrasynda aıta otyryp, onyń maqsattary men mindetterin usynyp, munyń birneshe jolynyń bar ekendigin qadap turyp aıtyp berýi kimge de bolsa oı salmaýy múmkin emes. Ásirese «Naýryzdyń qadir-qasıetin jan-jaqty qamtı otyryp, shyn máninde mereke jasaǵymyz kelse, Naýryzdyń birinshi maǵynasy da, sáni men saltanaty da baldyrǵandar bolýy tıis» – degen sózi kóńilge qonymdy. Uly Muqtar aǵamyz «El bolam deseń – besigińdi túze» deıtin qaǵıdany ustanyp, bolashaq urpaqqa beriletin tálim-tárbıeni búginnen bastaý kerektigin Arystanbek Muhamedıuly óte qarapaıym ári túsinikti tilmen óz oqyrmandar júreginen oryn alarlyqtaı etip jetkizgen.
«Naýryz meıramynyń rýhanı-mádenı tárbıelik mánin is júzinde ómirge engizýdi usynsaq artyq bola qoımas» ,– deı kele: «Naýryzdyń 22-i kúni sıpatyn ashatyndaı ári ulttyq tanym men dástúr-saltty jańǵyrtatyndaı «Otbasy kúni», «Qaıyrymdylyq jasaý kúni», «Aq dastarqan kúni», «Tal egý kúni» dep mazmun bere otyryp, rýhanı is-sharalardy nege qalyptastyrmasqa»,– degen mınıstr myrza aǵynan jarylyp,aqtarylǵan sózi tyń bastamanyń uıtqysy desek, artyq aıtpaǵandyq bolar edi.
Egemendi elimizdiń erteńi jastarǵa júıeli bilim, tálimdi tárbıe berýmen qatar, ulttyq bolmysymyzdy úıretýdiń ózi búgingi kúniń isi.
Halqymyzda «Qurysh qaırat – urylysta shynyǵar, Isin súıgen – isteı júrip tynyǵar» deıtin keremet sóz bar. Endeshe Qurmetti Arystanbek Muhamedıuly! Sizge zor densaýlyq, qajymas qaırat tileı otyryp, halqymyzdyń qamyn oılaıtyn azamat retinde ıgi isterdiń qashanda basy qasynda bola bilip, únemi bıikterden kórine berińiz! «Uly dalanyń» urpaqtaryn tárbıeleýde «Elim! – dep emirenetin», «Halqym! – dep kúńirenetin» Elimizdiń mańdaı aldy Siz sııaqty azamattary aman bolsyn!
Omar Qyıqymov, Qazaqstannyń eńbek sińirgen qaıratkeri:
- Arystanbek Muhamedıulynyń mádenıetke sińirip júrgen eńbegi ólsheýsiz. Al, mádenıet – halyqtyń eń úlken rýhanı azyǵy. Jańa jylymyz – Naýryz meıramyn baldyrǵandardyń sanasyna sińirip ósirý, bolashaǵymydyń kemeldi bolatynyn kórsetedi.Bul kóterilgen bastamany barlyq qazaq bolyp bir aýyzdan qoldaýymyz kerek jáne ár otbasy óz balasynan bastaý kerek dep oılaımyn. Sebebi otbasynyń ónegesi – Otan ónegesi.Árbir isti qolǵa alý úshin,ony jaqsy kórýimiz qajet. Ár is maqsatyna qaraı baǵalanady.Bul kóterilgen isti – mańyzdy, naqty maqsaty bar is dep atar edim. Ulystyń uly kúnin uly isterden bastap qoldaýǵa barshalaryńyzdy shaqyramyn!
Abai.kz
