Qazaqstan telearnasy QR Tuńǵysh Prezıdenti kúnine oraı «Tuńǵysh» derekti fılmin usynady.
Derekti fılmde Nursultan Nazarbaevtyń ár jyldary júzege asyrǵan irgeli isterine qatysty úzeńgilesteri men zamandastary, saıasatkerlerdiń suhbaty jınaqtalǵan.
Táýelsizdiktiń 30 jylyndaǵy tarıhı jetistikteri týraly Qazaqstannyń halyq jazýshysy Oljas Súleımenov, QR Parlamenti Senatynyń tóraǵasy Máýlen Áshimbaev, QR Konstıtýııalyq keńesiniń tóraǵasy Qaırat Mámı, QR Senatorlar keńesi tóraǵasynyń orynbasary Birǵanym Áıtimova, QR Parlamenti Májilisiniń depýtattary Saýytbek Abdrahmanov pen Bekbolat Tileýhen, Ulttyq neırohırýrgııa ortalyǵynyń tóraǵasy Serik Aqsholaqov, Qazaqstan Respýblıkasynyń Eńbek sińirgen ártisi Maıra Muhamedqyzy jáne aýyr atletıkadan tórt dúrkin álem chempıony Ilıa Ilın pikir bildiredi.
Týyndyda mańyzdy sheshim qabyldanǵan sátke tarıhı sheginis jasalyp, sol jyldardaǵy arhıv materıaldarynan kadrlar usynylǵan. «Tuńǵysh» derekti fılmi 1 jeltoqsan kúni saǵat 20:00-de Qazaqstan telearnasynan kórsetiledi.
