«Alash arystary» eskertkishiniń ashylý rásimi ótti

6113

QR Táýelsizdiginiń 30 jyldyǵyna oraı Shymkent qalasynda «Alash arystary» eskertkishiniń saltanaty ashylý rásimi ótti. Jıynǵa qala ákimi Murat Áıtenov, máslıhat hatshysy B.Narymbetov, qalalyq ardagerler keńesiniń tóraǵasy Kenjehan Tólebaev, «Alash arystary» eskertkishiniń ıdeıa avtory Beket Turǵaraev, halyqaralyq «Alash» syılyǵynyń ıegeri Marhabat Baıǵut, kórnekti aqyn Hanbıbi Esenqaraqyzy jáne taǵy basqa zııaly qaýym ókilderi qatysty.

Qala ákimi kópshilikti eskertkishtiń ashylýymen quttyqtap, is-sharanyń mańyzdylyǵyna toqtaldy.
- Kúni keshe otandastarymyz el Táýelsizdiginiń 30 jyldyq merekesin sán-saltanatymen atap ótti. Bolashaǵyn baıandy etken memleket, óz tarıhyn aıryqsha qasterlep, dara tulǵalaryn, el bolyp eńse kóterýge qyzmet etken asyl azamattaryn erekshe qurmetke bóleıdi. Ýaqyt ozǵan saıyn ult azattyǵy úshin aıanbaı kúresken Alash qaıratkerleriniń danalyǵyn, daralyǵyn, kemeńgerligin aıqyn sezinip kelemiz. Olardyń ómir joly biz úshin, bolashaq urpaq úshin – taǵylym alar tárbıe. Mundaı keshender – jastarymyzdy otanshyldyqqa tárbıelep, óz eline, jerine, ótkeni men bolashaǵyna degen syı-qurmetti qalyptastyrý quraly dep bilemiz, - dedi qala ákimi.

Kompozıııalyq músin Shymkent qalasynyń ortalyq saıabaǵy aýmaǵynda ornalasqan. Tuǵyr granıtpen qaptalǵan. Músinderdiń bıiktigi - ortasha eseppen 210 sm. Tuǵyrdyń uzyndyǵy - shamamen alty metr, eni - shamamen úsh metr.

Jıynalǵandar kompozıııalyq músinge gúl shoqtaryn qoıdy.

Shymkent qalasy ákimdiginiń baspasóz qyzmeti

Pikirler
Redakııa tańdaýy