Qyzylorda oblysynda asa aýyr qylmys jasaǵan kúdiktiler ustaldy, dep habarlaıdy Polisia.kz.
Eske sala ketsek, 15 jeltoqsanda keshki saǵat 18.00 shamasynda Qyzylorda oblysynyń Qarmaqshy aýdany Tóretam aýylynda bir top er adam janjaldasyp, qarý qoldanǵan. Saldarynan aıaldamada turǵan úsh jasóspirim oqtyń ushqynynan jaraqat aldy.
Atalǵan derek Qylmystyq kodekstiń 24-babynyń 3-bóligi, 99-babynyń 3-bóligi boıynsha (Adam óltirýge oqtalý) tirkelip, sotqa deıingi tergep-tekserý bastalǵan.
Polıııa qyzmetkerleri izin sýytpaı 8 kúdiktini anyqtap, ustady. Budan bólek, keshendi jedel-izdestirý is-sharalaryn júrgizý kezinde oq atqan negizgi kúdikti quryqtaldy. Ol kinásin moıyndady. Tártip saqshylary odan qylmys quralyn tárkiledi.
9 kúdiktige qatysty "kúzetpen ustaý" bultartpaý sharasy tańdalyp, olar qamaýǵa alyndy. Tıisti sot saraptamalary belgilendi. Qazirgi ýaqytta tergeý jalǵasyp jatyr.
Jasóspirimder der kezinde aýrýhanaǵa jetkizilip, kómek kórsetilgen. Olardyń bireýi sol kúni qaıtarylsa, qalǵan ekeýi dárigerlerdiń baqylaýyna alynǵan. Qazirgi kezde jasóspirimderdiń jaǵdaıy turaqty.
”Adyrna” ulttyq portaly
