Kabýlda bir top áıel kóshege shyqty. Joqshylyqtan sińiri shyqqan olar tálip jasaǵynan qorqýdy da qoıǵan, dep habarlady “Adyrna” ulttyq portaly 24.kz saıtyna silteme jasap.
Áıelder «Talıban» (Qazaqstanda tyıym salynǵan uıym) bıliginen jumys isteýge kedergi jasamaýdy talap etti. Olar kóshege «Tamaq, jumys, bostandyq» jáne «Aýǵanstandy opattan qutqaryńdar» degen uran kóterip shyqqan.
Belsendilerdiń aıtýynsha, memlekettik qyzmette istep kelgen áıelder qazir úıde otyr. Sondaı-aq eldiń kóp bóliginde qyzdardyń mektepke barýyna tyıym salynǵan. Ashynǵan áıelder «Jaǵdaı bulaı bola berse, bárimiz ashtan qatamyz» deıdi.
«Otbasymyzdy asyraýǵa bir tilim nan taba almaı otyrmyz. Kúndelikti qajetti un men suıyq maı satyp alýǵa kók tıynymyz joq. Úkimetten esh qaıran joq. Jaǵdaıymyz óte qıyn», – dep ashyndy ereýilshilerdiń biri Marjan Ahmadı.
“Adyrna” ulttyq portaly
