QR Prezıdenti Qasym-Jomart Toqaevtyń qatysýymen Táýelsizdiktiń 30 jyldyǵyna arnalǵan saltanatty is-shara bastaldy, dep habarlaıdy QazAqparat.
Saltanatty is-sharaǵa QR Tuńǵysh Prezıdenti – Elbasy Nursultan Nazarbaev, Úkimet músheleri, Parlament depýtattary, mádenıet jáne qoǵam, óner, sport qaıratkerleri, zııaly qaýym ókilderi qatysyp otyr. Prezıdenttiń Baspasóz qyzmeti @AkordaPress resmı akkaýntynda osy is-sharadan tvıt-translıaııa júrgizýde. Saltanatty jıyn búgin saǵat 21:30-de respýblıkalyq telearnalardan kórsetilmek.
Bıyl Qazaqstan halqy san ǵasyrlar boıy babalar armandaǵan azattyqty alyp, ańsaǵanyna qol jetkizgen Táýelsizdik kúnin 30-shy ret qarsy alyp otyr. 1991 jyly 16 jeltoqsanda Qazaqstan táýelsiz el retindegi óziniń múlde jańa tarıhyna qadam basty. Sol kúni Qazaqstan Respýblıkasynyń Prezıdenti N.Á.Nazarbaev
«Qazaqstan Respýblıkasynyń Memlekettik táýelsizdigi týraly» Konstıtýııalyq Zańyna qol qoıdy. Al bul zańnyń Joǵarǵy Keńeste talqylanyp, qabyldanýy da sol kezeń úshin úlken beles edi.
Táýelsizdik kúni - 1991 jylǵy jeltoqsannyń 16-synda Qazaqstan Respýblıkasynyń Prezıdenti N.Á.Nazarbaev qol qoıǵan «Qazaqstan Respýblıkasynyń memlekettik táýelsizdigi týraly», 2008 jylǵy 25 maýsymdaǵy jáne 2009 jylǵy 22 sáýirdegi zańdarmen ózgertýler engizilgen 2001 jylǵy jeltoqsannyń 13-indegi «Qazaqstan Respýblıkasyndaǵy merekeler týraly» Qazaqstan Respýblıkasy zańdaryna sáıkes atalyp ótedi.
