Úshinshi onjyldyq – Qazaqstannyń kemeldený kezeńi. Memleket basshysy Qasym-Jomart Toqaev QR Táýelsizdiginiń 30 jyldyǵyna arnalǵan saltanatty jıynda osyndaı pikir bildirdi, dep habarlaıdy QazAqparat.
«Úshinshi onjyldyq – Qazaqstannyń kemeldený kezeńi. Osy ýaqytta abyroı-bedeli artqan mereıli memleketke aınaldyq. Shekara máselesin birjola sheshtik. 2050 jylǵa deıin strategııamyzdy qabyldap, damyǵan elderdiń qataryna qosylýdy mejeledik. Túrli baǵyttar boıynsha aýqymdy baǵdarlamalardy júzege asyrdyq.
«Rýhanı jańǵyrý» baǵdarlamasy arqyly ulttyń jańa bolmysyn qalyptastyrýdy qolǵa aldyq. Tutas túrkiniń altyn besigi atanǵan Túrkistandy túlettik. Saıası reformalardy tyń qarqynmen jalǵastyrdyq.
Halqymyzdyń sany 19 mıllıonnan asty. Osylaısha, Qazaqstan tuǵyry berik, myqty memleket boldy», - dedi Memleket basshysy.
