Táýelsizdigimizdiń tabysyna toqmeıilsýge bolmaıdy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Jańa jahandyq jáne óńirlik syn-tegeýirin jaǵdaıynda Táýelsizdik jetistikterin eseleý úshin bizge kúsh-jigerimizdi eki, tipti úsh eseleý qajet. Basqa sózben aıtar bolsaq, tabysymyzǵa toqmeıilsýge bolmaıdy», - dep atap ótti QR Prezıdenti.
Memleket basshysy áleýmettik-ekonomıkalyq ómirdiń barlyq salasynda jankeshti kúndelikti jumystyń qajet ekendigin basa aıtty.
«Bizdiń aldymyzda azamattardyń ómir sapasyn arttyrýǵa qatysty jańa mindetter tur. Biz «Adam memleket úshin emes, memleket adam úshin» negizgi qalaýshy qaǵıdatynan taımaıtyn bolamyz.
Qoǵamymyz «Halyq únine qulaq asatyn memleket» tujyrymdamasyn zor úmitpen qabyldady. Sondyqtan memlekettik qyzmetshiler azamattardyń senimin aqtap, qalaýlaryn eskerý úshin bar kúsh-jigerlerin jumsaýy tıis», - dedi Qasym-Jomart Toqaev.
