Táýelsizdiktiń 30 jyldyǵy men jeltoqsan oqıǵasynyń 35 jyldyǵy aıasynda Almatyda «Jeltoqsan – el táýelsizdiginiń bastaýy» derekti fılminiń tusaýkeseri ótti, dep habarlaıdy QazAqparat.
Derekti fılmde 1986 jyly jeltoqsan oqıǵasyna qatysýshylardyń taǵdyry baıan etiledi. Munda kórermenge biregeı arhıvtik kadrlar, eksklıýzıvti suhbattar usynylǵan, eldiń saıası jańarý proesi qarapaıym ári túsinikti tilde aıtylady.
Jazýshy, Qazaqstan Jazýshylar Odaǵy tóraǵasynyń orynbasary Mereke Qulkenov derekti fılmniń mańyzdylyǵyn atap ótti.
«Fılm óte jaqsy, shyn máninde derekti bolyp shyqty. Muraǵattyq qujattar, hronıka, jeltoqsan oqıǵasynyń kýágerleri men qatysýshylardyń áńgimeleri paıdalanyldy. Almaty ákimdiginiń qoldaýymen jeltoqsanshylardyń tarıhy men rólin obektıvti baǵalaý úshin taǵy bir mańyzdy qadam jasaldy», - dedi jazýshy.
Fılmniń premeralyq kórsetilimine Jeltoqsan uıymynyń ókilderi shaqyryldy. Olardyń qatarynda Nurlybek Qýanbaev, Gúlbahram Júnis, Myrzaǵul Tájiǵululy, Úmit Bosmanova, Talǵat Rysqulbek, Gúlmıra Baıatqyzy bar.
