Aqtöbe qalasyndaǧy Öner ortalyǧynda el täuelsızdıgınıŋ 30 jyldyǧyna arnalǧan merekelık şara öttı. Oǧan QR Parlamentı Mäjılısınıŋ Töraǧasy Nūrlan Nyǧmatulin, oblys äkımı Oŋdasyn Orazalin, sondai-aq ziialy qauym ökılderı, eŋbek ardagerlerı, käsıporyndardyŋ basşylary, mäslihat deputattary, käsıpkerler, memlekettık mekemelerdıŋ qyzmetkerlerı, BAQ ökılderı qatysty.
Şarada aldymen söz söilegen QR Parlamentı Mäjılısınıŋ Töraǧasy Nūrlan Nyǧmatulin Aqtöbe oblysy täuelsızdık jyldarynda el ekonomikasyna yqpal etken ırı jobalardy jüzege asyryp, bügınde aldyŋǧy qatarly önerkäsıptık aimaqqa ainalǧanyn atap öttı.
— Täuelsızdık jyldarynda Aqtöbe oblysynyŋ el damuyna qosqan ülesı zor. Mäselen, «Batys Europa-Batys Qytai» halyqaralyq tranzittık dälızı bügınde el ekonomikasyna erekşe serpın berude. Sondyqtan Aqtöbe oblysy Elbasy Nūrsūltan Nazarbaevtyŋ qoldauymen otyz jyldyŋ ışınde jalpy elımızdıŋ damuyna zor üles qosqan negızgı industrialdy ölkege ainaldy. Bügıngı künı Memleket basşysy Qasym-Jomart Toqaevtyŋ bastamasymen elımızde, sonyŋ ışınde Aqtöbede jaŋa äleumettık-ekonomikalyq baǧdarlamalar jüzege asyrylyp jatyr. Täuelsızdıktıŋ arqasynda kelgen tabystarymyz aldaǧy uaqytta da elımızdı, oblystardy jaŋa biıkterge jetkızetını sözsız. Bızdıŋ aldymyzda älı de baǧyndyratyn belester, asatyn asular köp. Sondyqtan bügıngı saltanatty şaraǧa jinalǧan barşa aqtöbelıkterdı el egemendıgınıŋ 30 jyldyq mereitoiymen qūttyqtai otyryp, aldaǧy uaqytta alǧa qoiǧan ūly maqsattarymyzǧa jetu jolynda bır el, bır halyq bolyp üles qosaiyq degım keledı. Täuelsızdıktıŋ 30 jyldyǧy qūtty bolsyn! Elımız tynyş, halqymyz aman bolsyn! Qazaqstanymyz mäŋgı jasasyn! — dedı Mäjılıs töraǧasy.Būdan keiın jiynda söz söilegen oblys äkımı Oŋdasyn Orazalin täuelsızdık jyldarynda öŋırde jüzege asyrylǧan auqymdy jobalar men halyqtyŋ äl-auqatyn arttyruǧa baǧyttalǧan jūmystarǧa toqtalyp öttı. — Öz aldymyzǧa derbes el bolu — bızdıŋ maŋdaiymyzǧa jazylǧan baq. Ǧasyrlar boiy ata-babamyz aŋsap ötken täuelsızdıkke qol jetkızıp, onyŋ nyǧmetın körıp otyrǧanymyzǧa, mıne, otyz jyl toldy. Osy otyz jyl erkındık bızge ne berdı desek, auyz toltyryp aitar jetıstıkterımız jeterlık. Mäselen, oblysymyzda otyz jyl ışınde halyq sany ekı esege artyp, bügınde qala halqynyŋ sany jarty millionnan asty. Al tūrǧyndardyŋ ortaşa jas körsetkışı 67 jastan 72 jasqa deiın ūlǧaidy. Auyldarymyzdyŋ öŋı kırıp, jaŋa zaman talabyna sai zäulım üiler boi köterdı, köşelerge asfalt töseldı, jaŋa saiabaqtar men skverler salyndy. Osylaişa dalamyz malǧa, qalamyz janǧa toldy. Mūnyŋ barlyǧy — Elbasynyŋ köregen, sarabdal saiasatynyŋ arqasynda eldıŋ bereke-bırlıgın saqtaǧan halqymyzdyŋ qol jetkızgen jetıstıgı, Täuelsızdıktıŋ jemısı. Sondyqtan bügıngı şarada barşaŋyzǧa öz rizaşylyǧymdy jetkıze otyryp, eldıŋ erteŋıne degen senımımız berık, jarqyn künderımız jaqyn bolsyn demekpın! Mereilı merekemız — el täuelsızdıgınıŋ otyz jyldyq mereitoiy qūtty bolsyn! — dedı O.Orazalin. Saltanatty şarada QR Parlamentı Mäjılısınıŋ Töraǧasy Nūrlan Nyǧmatulin elımız ben oblystyŋ äleumettık-ekonomikalyq jäne mädeni damuyna qosqan sübelı ülesı üşın qoǧam qairatkerı, filosofiia ǧylymdarynyŋ doktory, professor Amangeldı Aitalyǧa II därejelı «Barys» ordenın, oblystyq qoǧamdyq keŋestıŋ töraǧasy Marat Qoilybaevqa «Parasat» ordenın, belgılı ölketanuşy, eŋbek ardagerı Bekarystan Myrzabai men eŋbek ardagerı «Qūrmet» ordenın, temırjolşy Qantöre Auaş, ūsta Baiǧali Mataǧūlov jäne Aqtöbe ferroqorytpa zauytynyŋ kranşysy Galina Uteşovaǧa III därejelı «Eŋbek daŋqy» ordenın tabystady.
Oblys ekonomikasyn, densaulyq saqtau, äleumettık salalaryn damytuǧa qosqan ülesı jäne qoǧamdyq ömırge belsene qatysqany üşın «Aqtöbe oblysynyŋ qūrmettı azamaty» ataǧy «Stepnoi» JŞS-nyŋ direktory Amanǧos Töleuovke, «Aqtöbe hrom qosyndylary zauyty» AQ basqarmasynyŋ töraǧasy Aleksei Himichke, mädeniet qairatkerı Erkın Qūrmanbekke, käsıpker Zämzägül Baimaǧambetovaǧa jäne eŋbek ardagerı Estai Jailybaiǧa berıldı.Sondai-aq jiynda «Eren eŋbegı üşın» medalımen därıgerler — Quanyşqūl Düisembekov, Nūrlan Qauqaqov, Ämet Näbiev, jurnalister Elena Akchurina, Baiandy Särsembina, oblystyq filarmoniianyŋ bas dirijerı Mädina Qabijanova marapattalsa, «Şapaǧat» medalı medbikeler — Gülbada Bimanova, Olga Keferge berıldı. Al Qūrmet gramotasymen marapattalǧandar qatarynda täjıribelı ūstazdar — Baqtyǧūl Qoişyǧūlova men Janna Habibullina, sondai-aq oblystyq filarmoniianyŋ qazaq kameralyq hory bar. Şarada oblystyq filarmoniianyŋ önerpazdary öner körsetıp, körermenderge erekşe köŋıl küi syilady. Keşte patriottyq, sondai-aq halyq änderı oryndaldy.
