Áleýmettik qyzmetkerlerge qurmet kórsetildi

Shymkent qalasynyń jumyspen qamtý jáne áleýmettik qorǵaý basqarmasynyń «№2 arnaýly áleýmettik qyzmetter kórsetý ortalyǵy» KMM-de (budan ári — Ortalyq) bastaýysh kásipodaq uıymynyń uıymdastyrýymen «16 jeltoqsan – Qazaqstan Respýblıkasynyń Táýelsizdik kúni» merekesine oraı, «Táýelsizdik tiregim» atty is-sharasy ótkizildi.
Atalǵan Ortalyqta «Qyzmet» salalyq kásipodaǵynyń quramyna kiretin bastaýysh kásipodaq uıymy jumys jasaıdy. Sonymen qatar, kásipodaq komıtetiniń tóraǵasy aýysyp, jańadan kásipodaq tóraǵasy bolyp eńbek terapııasy nusqaýshysy Asqar Ýsenbaev ortalyq ujymynyń kelisilgen daýysymen saılanǵan. Ortalyqtaǵy kásipodaq músheleriniń jalpy sany 140 adamǵa jýyq.
Is-sharadaǵy alǵy sózdi ortalyq dırektorynyń mindetin ýaqytsha atqarýshy, jańadan taǵaıyndalǵan dırektordyń ákimshilik sharýashylyq jónindegi orynbasary Turlybekov Kópjan Tastanuly ashty. Ujym múshelerin quttyqtaý úshin kelesi sóz «Qyzmet» memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy» qoǵamdyq birlestigi Shymkent qalalyq fılıalynyń tóraǵasy Áýeshanov Serik Elemesulyna berildi.
Fılıal tóraǵasy Serik Elemesuly «Táýelsizdik jyldaryndaǵy» elimizdiń jetken jetistikterine toqtala ótip, oǵan ózindik úles qosyp, kásipodaq belsendileri bolyp júrgen ortalyqtyń birqatar áleýmettik qyzmetkerlerine fılıal nagradalaryn tabystady.
Atap aıtqanda, ortalyqtyń emdik-dene shynyqtyrý nusqaýshysy Toqýshova Saltanat Saǵıdýllaqyzy, sharýa bıkesi Odýdenko Tatıana Pavlovna, dáriger-psıhıatry Aıtmırzaeva Gúlmıra Toǵysbaıqyzy «Qurmet gramotalarymen» jáne ortalyqtyń sanıtar-tazalaýshysy Serikbaeva Ulbıke Ábdikárimqyzy, eńbek terapııasy nusqaýshysy Rústemov Adnabek Tillábekuly, medbıkesi Jolymbekova Ǵalııa Mahsutqyzy Alǵys hattarmen marapattaldy.