Táýelsizdik jyldaryndaǵy elimizdiń jetken jetistikteri aıtyldy

1882
Adyrna.kz Telegram

Shymkent qalasynda Qazaqstan Respýblıkasy Táýelsizdiginiń 30 jyldyq mereıtoıy aıasynda Táýelsizdik jyldarynda elimizdiń jáne óńirdiń jetken jetistikteri men barlyq baǵyttaǵy damý satylary talqylanǵan dóńgelek ústel bolyp ótti.

«Táýelsiz Qazaqstan: Jasampazdyqqa toly jyldar. Túrkistan oblysynyń basty jetistikteri» taqyrybynda ótken jıynǵa oblys ákiminiń orynbasary jáne óńirdegi tarıhshy, ǵalymdar, saıasattanýshylar men qoǵam qaıratkerleri qatysty.

Bıylǵy jyl elimiz úshin eń eleýli oqıǵalardyń biri – Táýelsizdiktiń 30 jyldyq mereıtoıy. Qazaqstan Táýelsizdiginiń tarıhynda Elbasy Nursultan Nazarbaevtyń alar orny erekshe. Asa kóregendilikpen júrgizilgen memlekettik saıasattyń nátıjesinde biz tórtkúl dúnıemen terezesi teń, shekarasy aıqyn, erkin elge aınaldyq. Elbasy jarlyǵymen Túrkistan oblysynyń qaıta qurylyp, rýhanı shaharǵa oblys ortalyǵy mártebesi berilýi – Táýelsizdiktiń aıtarlyq bir jemisi.

Tarıh ǵylymdarynyń doktory, professor Hazretáli Tursyn osy jyldar ishindegi óńirdegi kásipkerlik salasynyń damyp, jastarǵa jasalǵan qamqorlyqtyń artqany men Túrkistandy túletýdegi Elbasynyń orny aıryqsha ekendigin atap ótti.

Sonymen qatar, basqosýdyń basty taqyryby jóninde baıandama jasaǵan «Bitimger» medıatorlardyń qoǵamdyq birlestiginiń tóraǵasy Baqytjan Beısembaev, Q.Iasaýı atyndaǵy HQTÝ-niń «Rýhanı jańǵyrý» ǵylymı-tájirıbelik ortalyǵynyń dırektory Ádemaý Tolysbaeva, Túrkistan oblystyq assambleıa janyndaǵy ózbek etno-mádenı birlestiginiń múshesi, «Janýbıı Kozoǵıstan» gazetiniń bas redaktory Alısher Satvaldıev, tarıh ǵylymdarynyń kandıdaty, doent Zabırash Adılbekovalar Táýelsizdik jyldaryndaǵy eldiń jetken jetistikteri men etnosaralyq turaqtylyqtyń saqtalýy, ınvestıııalyq ósim men Túrkistan oblysyn damytýdaǵy Elbasynyń eńbegi jóninde oılaryn ortaǵa salyp, usynys-pikirlerin bildirdi.

Pikirler