QR Táýelsizdiginiń 30 jyldyǵyna oraı Ál-Farabı aýdany jastar resýrstyq ortalyǵynyń uıymdastyrýymen jas qyzdar arasynda «Analar keńesi» taqyrybynda kezdesý ótti.
Búgingi kezdesýdyń maqsaty: jastar arasynda qazaqstandyq patrıotızmdi, toleranttylyqty jáne etnosaralyq kelisimdi, urpaqtar sabaqtastyǵyn, ulttyq dástúrler men otbasylyq qundylyqtardy nyǵaıtý jáne saqtaýǵa ózindik úlesin qosý. Úı men túzdiń tizginin teń ustap, qazanyn qaınatyp, balasyn oınata júrip, eńbektiń bel ortasynan tabylatyn áıelderdiń tyndyrymdy is-áreketteri kópke úlgi etý.
Kezdesýge: Eńbek ardageri Qurmanbekova Sharapat Qojahmetqyzy qatysty.
Atalmysh sharada otbasy qundylyǵy, otbasynyń dástúrleri men adamgershilik ustanymdary, shejiresi men tarıhy, otbasy músheleriniń ortaq qyzyǵýy men maqsat-múddeleri týraly oı qozǵalyp, jastardyń tolǵandyrǵan suraqtaryna mardymdy jaýaptar alyndy.
