Baıqońyr qalasynyń barlyq mektebinde qazaq tili men Qazaqstan tarıhy oqytylady. Bul týraly Qyzylorda oblysy ákimi Gúlshara Ábdiqalyqova aıtty, dep habarlaıdy "Adyrna" ulttyq portaly.
- Biz Baıqońyr qalasynyń mektepterinde qazaq tili, qazaq ádebıeti men Qazaqstan tarıhyn oqytý jaıly kelistik. Bul pánder reseılik jáne qazaqstandyq standarttar boıynsha oqytatyn mektepterde engiziledi", - dedi Ábdiqalyqova úkimet kýlýarynda.
Aıtýynsha, bul másele kópten beri talqylanyp júr.
- Bizdiń mektepterde, Reseı mektepterinde qazaq balalary oqıdy. Bizdiń búldirshinder úshin óz tili men tarıhyn taný jáne úırený jańa bastama bolady degen oıdamyn, - dedi oblys ákimi.
Esterińizge sala keteıik, Reseı Baıqońyrdy Qazaqstannan jalǵa alyp otyr. Qazir eki eldiń bilim mınıstrlikteri jumys mehanızmin pysyqtap jatyr. Qyzylorda oblysy óz tarapynan mektepterdi bilikti muǵalimdermen, oqýlyqtarmen, qajetti materıaldarmen qamtamasyz etedi.
"Adyrna" ulttyq portaly
