Qyrǵyzstannyń burynǵy prezıdenti Asqar Aqaev Bishkekke qaıta ushyp keldi, dep habarlaıdy "Adyrna" ulttyq portaly 24.kg - ge silteme jasap.
Basylym derekkózderiniń habarlaýynsha, Máskeýden ushatyn ushaq 14 jeltoqsanda tańǵy saǵat 4.40-ta «Manas» áýejaıyna qonǵan. Asqar Aqaevtyń uly Ilimmen birge úıine ushyp ketkeni atap ótildi.
- Burynǵy prezıdenttiń «Qumtór» isine qatysty jaýapqa tartylýy nemese tartylmaýy ázirge belgisiz, - delingen habarlamada.
Aıta keteıik, buǵan deıin Asqar Aqaev Qyrǵyzstanǵa 2021 jyldyń tamyz aıynda ushyp kelgen bolatyn. Ulttyq qaýipsizdik memlekettik komıtetinde jaýap alǵan eks-prezıdent tergeýmen mámilege kelip, kinásin moıyndady. Asqar Aqaev sapardyń birneshe kúninde Kemın óńirindegi shaǵyn atajurtyna baryp, Talastaǵy enesine qonaqqa bardy. Sonymen qatar eks-prezıdent Aqaev Qyrǵyzstan halqynan jibergen qatelikteri úshin keshirim suraǵan bolatyn.
"Adyrna" ulttyq portaly
