Eldegı tūraqtylyq pen kelısımdı saqtau üşın qūrylǧan QHA qazırgı taŋda ülken belesterdı baǧyndyryp, el tynyştyǧynyŋ jarqyn körınısı.
Elbasymyz Nūrsūltan Äbışūly Nazarbaevtyŋ bastamasymen ülken tūǧyrǧa ainalǧan Assambleia qazaqty asqaqtatty.
130-dan astam ūlt ökılderınıŋ qara şaǧyraǧyna ainalǧan Qazaqstan bırlık mekenı. Būl pıkırdı bız emes, özge ūlt ökılderınıŋ özderı ülken maqtanyşpen aita alady.
Solardyŋ bıregeiı, Batys Qazaqstanda meken etetın «Jympitylyq nemıster». Qazaq topyraǧyna sıŋıskenıne biyl tura 80 jyl bolmaq. Ūlty nemıs bolsa da ūrpaǧyna «sen qazaqsyŋ!» dep tärbie beretınderın zor maqtanyşpen aita alady.
Qazaq jerıne näubet jyldary bas sauǧalap kelgen är adamdy qūşaq jaia qarsy alyp, bölektendırmei qatarǧa qosqan ata-babamyz qandai köregendı jandar bolǧan, ä?
Batys Qazaqstan oblysy Jympity audanyn mekendegen nemıster turaly kıtap 2002 jyly jaryq körgen edı. Būl kıtapta jüzden asa nemıs otbasylary baiandalady. Olardyŋ qazaq jerıne qalai kelgendıgı, salt-dästürge beiımdelıp, qazaq tılın üirenuı, tıptı basşylyq qyzmetke deiın tatulyqtyŋ arqasynda qalai qol jetkızgendıgı turaly da keŋınen jazylady.
«Adyrna» ūlttyq portalyna «Jympitylyq nemıster» kıtabynyŋ altyn qorynan oryn alǧan Gennadii Veber aǧamyz sūhbat bergen edı.
Sūhbat barysynda aitylǧan önege:
«Ūltym nemıs bolsa da, men özgelerge özımdı qazaqpyn dep tanystyramyn. Onyŋ eş äbestıgı joq. Talai jyldar meken etken jūmaq jerdı öz ūltym dep bılemın».
«Nemıs-qazaq salt-dästür, tamaǧy bızdıŋ öŋırde ortaqtasyp kettı. Bız olarǧa bau-baqşa egıp, tosap qainatudy üiretsek, olar bızge barlyq qazaqtyŋ ömır saltyn üirettı».
«Ainalaiyn» sözı süiıktı sözım. Üiıme kelgen är jandy osy sözben qarsy alamyn. Jylulyq syilaitynyn jüregım sezedı».
«Dınımız basqa bolsa da, qazaq jerıne kelıp mūsylman atandyq. Ata-anam arulanyp jerlendı. Osynyŋ özı bızdıŋ naǧyz qazaq bolǧanymyzdyŋ naq dälelı emes pe?».
Gennadii aǧamyzdyŋ däl osylai aitqan qairatty sözderı qazaq ūltynyŋ auyzbırşılıgınıŋ myqty ekenın körsetıp tūr.
Adam tuǧanda ūlt taŋdamaidy degen söz ras. Adam boiyndaǧy ızgı qasietter tıptı jürektegı jyly sezım tūrǧanda ūltqa bölınıp, turalanu jat qylyq.
QHA qūrylǧandaǧy basty maqsat, negızgı qaǧida da osy edı. Qazaqtyŋ qonaqjailylyǧy tek dastarhanmen emes, tūtas bır ūltpen körsetılgenı bızdıŋ jetıstık!
Inju ÖMIRZAQ,
“Adyrna” ūlttyq portaly
