Jeti tuǵyr - jarqyn bolashaqqa baǵyttaıdy

2311
Adyrna.kz Telegram

Ertede adamdar uzaq jolǵa sapar sheger sátte, jolynan adaspaý úshin juldyzdardy baǵyttaýshy syzba retinde qoldanǵan eken.Sol sııaqty Eldiktiń jeti tuǵyryn –elimizdiń damý jolyna baǵyttaıtyn jeti qaraqshy juldyzy ispettes, jol nusqaýshy syzba deýge keledi. El bolyp es jıǵaly rýhanı bolmysymyzben mádenıetimiz jarysa damyp, qázirgi saǵat sanap ilgerilep jatqan álemdik damý tolqynymen ushtasyp kelemiz. Bul eń aldymen eńbekqor halqymyzben, elin súıgen Elbasymyzdyń 30 jylǵa taıaý eńbeginiń arqasy. Osy oraıda Elbasymyz elin súıgen, laıyqty kóshbasshy retinde óskeleń urpaqqa baǵyt-baǵdar berip, qoldaý maqsatynda «Eldiktiń jeti tuǵyry» atty óz úndeýin joldady.

«Eldiktiń jeti tuǵyry» - Elbasymyzdyń 30 jyldyq tájirıbesimen, elge degen janashyrlyǵy jáne súıispenshilik keńesiniń jıyntyǵy.
Elbasymyz birinshi tuǵyrda, Táýelsizdigimizdiń eń uly, eń qasterli qundylyǵymyz ekenin aıtqan. «Óz úıim óleń tósegim»- dep dana halqymyz aıtqandaı, ár ulttyń óz memleketi, óz mekeni bolǵannan artyq baqyt joq shyǵar. Ata –babamyzdyń armany bolǵan, qanshama batyrlarymyzdyń qanymen,terimen kelgen uly Táýelsizdigimizdi , jer kólemi boıynsha álemde 9-shy oryn alatyn keń baıtaq jerimizdi saqtaý, árbir azamattyń paryzy ekenin aıtqan. Sonymen qosa táýelsizdigimizdi saqtaý, máńgilik etý óskeleń urpaqqa amanattalatynyn, osy jolda jas urpaq árqashan eńbekke daıyn bolýy kerektigin atap kórsetken.
Ekinshi tuǵyrynda, birlik pen kelisim- elimizdiń turaqty tuǵyry ekenin aıtqan. Bir týdyń astynda qanshama ultty biriktirý, baýyrmaldyqqa baýlý eń aldymen elimizdiń aq kóńili, darhan peıiliniń, Qazaqstan halqy Assambleıasynyń áleýetiniń jáne Elbasymyzdyń salıhaly saıasatynyń arqasy dep bilemin. Birlikpen ǵana el bolyp, baıtaq mekenimizdi máńgilik etetinimizdi atap aıtqan.
Úshinshi tuǵyrynda, jer-ata-abamyzdan qalǵan qasterli mura, halyq qazynasy ekenin aıtqan. Ejelden jerimiz janmen qundas qasterli, qasıetti uǵym. Táýelsizdigimiz jarııalana sala Elbasymyz osynaý alpaýyt elderdiń arasynan, ushqyr saıasatkerliginiń arqasynda, ata-baba amanatyna adal bolyp eń birinshi shekaramyzdy bekemdedi. Bul elimizdiń damý jolyndaǵy eń utymdy qadam. Endigide óskeleń urpaqqa jerimizdi qasterlep, kóz qarashyǵyndaı saqtap,azattyǵymzdy máńgilik etýdi ósıettep, mıras etý boryshymyz ekenin aıtty.
Tórtinshi tuǵyrynda, otbasy men salt-dástúr – qoǵamnyń altyn dińgegi ekenin aıtqan. «Otan – otbasydan bastalady» - dep dana halqymyz beker aıtpaǵan. Otan súıgishtik týǵan ólkeńdegi otbasyń, eliń tipti ushqan quspen aqqan bulaq syńǵyryna degen súıispenshilikten bastaý alady. Otbasy qundylyǵy saqtalsa búkil salt-dástúr, ádet-ǵuryptyń saqtalǵany. Aqyl, júrek, qaırat, namys, adaldyqqa súıene otyryp dástúrimizdiń ıgisin ozdyryp, burysyn tozdyryp sanaly ómir súrýimiz qajet ekenin jetkizgen.
Besinshi tuǵyrynda, Elbasymyz Ulttyq mádenıet – halyqtyń rýhanı tiregi dep ataǵan. Tarıh qoınaýyn aqtarar bolsaq, biz-kóshpendi, bolmysy erekshe, rýhanı-mádenı muralarǵa baı halyqpyz. Mádenıet bizdiń tereńnen kele jatqan tárbıemiz, óne boıymyzdaǵy búkil qasıetter. Ol qasıetterdiń ıgi jıyntyǵy men mádenı, rhanı qundylyqtary damyǵan 30 eldiń qataryna qosylýymyzǵa septigin tıgizedi. Elimizdi óner qudiretimizben, ǵylymı jetistikterimizben moıyndatýǵa múmkindigimiz bar ekenin kórsetken.
Altynshy tuǵyrynda, Bilim men eńbek – baqýatty ómirdiń kilti. «Ózińe sen, ózińdi alyp shyǵar, eńbegiń men aqylyń eki jaqtap» dep dana Abaı aıtqandaı, biz tek óz bilimimiz ben kúshimizge senýimiz kerek degen. Qazirgi tańda óz ónerimen, bilimimen eldiń atyn tanytyp júrgen daryndy jastarymyz óte kóp. Mine osynyń bári bilim men eńbektiń nátıjesi. Eldiń úmitiniń aqtalǵanyn jáne adal eńbekpen, ushqyr bilimniń arqasynda ǵana uly jetistikterge jete alatynymyzdy atap ótken.
Jetinshi tuǵyrynda Pragmatızm – básekege qabiletti bolýdyń kepili deıdi Elbasymyz. Qolymyzda bar múmkindikter aıasynda, tıimdi joldardy tańdap úzdik nátıjelerge jetip, elimizdiń damýyna úles qosýǵa múmkindikter mol. Sondyqtan pragmatızm qaǵıdattary boıynsha, ıaǵnı qanaǵatshyl, únemshil, ustamdy bolyp ýaqytty únemdi paıdalanǵannyń jón ekenin, osylaısha biz Táýelsizdigimizdi baıandy etip, el tutastyǵyn saqtap, otbasylyq qundylyqtardy jańǵyrtyp, ult mádenıetin nasıhattap, tereń bilim men adal eńbekke den qoıǵan jasampaz el bolatynymyzdy aıtqan.
Elbasymyz N.Á.Nazarbaevtyń joldaýlary ár dem, ár sát naǵyz kerek kezinde jetken. Bul joly da rýhanı, mańyzdy úndeýimiz óz arnasyn taýyp, el ıgiligi jolynda saparǵa shyqqan, elim dep soqqan júrekterge jalaý bolyp, el ıgiligine baǵyttaıdy dep senemin.
Elimizdiń tuǵyry bıik bolyp, kók týymyz máńgi jelbiresin!

Shymkent qalalyq máslıhat depýtaty, “Nur Otan” partııasynyń frakııa múshesi Sýltanova Toreaım Joldybaıqyzy!

Pikirler