«Para aldy» degen kúdikpen ustalǵan Atyraý oblysy ákiminiń orynbasary Baqytgúl Hamenovanyń sińlisi Aınur Hamenova oqıǵaǵa qatysty pikir bildirdi, dep habarlaıdy «Adyrna» tilshisi.
«Qymbatty dostar! Otbasymyz úshin jaısyz tıgen oqıǵaǵa baılanysty qoldaýlaryńyzdy bildirip, jyly sózben demep jatqandaryńyz úshin bek raqmet! Ǵaıbattyń jeti atasyn jaýdyryp, sansyz saýapqa ıe qylyp jatqan "tileýlesterge de" raqmet! Áke men shesheniń adal tárbıesin kórgen, izgi isterimen talaı jannyń, talaı ıginiń batasyn, alǵysyn alǵan apam Baqytgúlge bir Alla ózi jar bolsyn. "Allanyń bergenine qanaǵat" degen uıada ósken apamnyń osy kezge deıin súıengeni de, sengeni de - bir Alla. Eki balasyna, týǵan-týystaryna kóńil bóletin ýaqyty bolmaı, jaýapkershilikpen eńbek etkenine kóbińiz kýásiz. Áli-aq retteler jaǵdaı. Jyǵylǵan kezde judyryqtamaı, súringen sátte synamaı, jaı ǵana adam bolyp, tileýlestik tanytqan árqaısysyńyzǵa Alla razy bolsyn!»– dedi ol.
Eske sala keteıik, 10 jeltoqsanda Atyraý oblysy ákiminiń orynbasary Baqytgúl Hamenova men oblystyq mádenıet basqarmasynyń basshysy Aqylbek Rysqalıevtyń 5 mıllıon teńge kóleminde para aldy degen kúdikpen ustalǵandary belgili bolǵan edi.
«Adyrna» ulttyq portaly
