Tūǧyry biık, maŋyzdylyǧy şeksız, ūltymyzdyŋ ūly jetıstıgı "Täuelsızdıktıŋ 30 jyldyǧyna" orai, Almaty qalasynda "Täuelsızdık - Tūǧyrym" atty döŋgelek üstel öttı.
Būl döŋgelek üsteldıŋ negızgı maqsaty - osy soŋǧy 30 jyldyqtyŋ kölemınde elge kelıp özderı ülken jetıstıkke jetıp qana qoimai, qazaq elınıŋ damuyna da airyqşa üles qosqan qandas azamattardy elge tanystyru, därıpteu.
El täuelsızdık alǧanda atbasyn Atajūrtqa būrǧan aǧaiyndardyŋ sany bügınde 1,5 millionǧa jetıptı.
Būlkünde elge oralǧan qandastar ǧylym salasy, oqu-aǧartu, medisina, ǧaryş, tehnologiia, IT, öndırıs, käsıpkerlık salasynda eleulı eŋbek etıp, el damuyna üles qosyp jatqan azamattar az emes, mıne sol azamattardyŋ ışınen bırazy bas qosyp, özderınıŋ Täuelsızdıkke degen qūrmetın bıldırıp, barşa Qazaqstandyqtardy Täuelsızdıktıŋ 30 jyldyǧymen qūttyqtady.
1990 jyldary qazırgı Qazaqstan jerıne şyn patriot azamattar köşıp kele bastady. Sebebı, ol kezde eşqandai kvota tärızdı qoldaular joq edı. Sondai otansüigış myqty azamattar men olarlyŋ ūrpaqtary qazır elımızdıŋ ärtürlı salalarynda orasan zor jetıstıkperge jetkenın quanyşpen, maqtanyşpen aituǧa bolady.
Elım dep eŋıregen aŋǧal da aq jürek aǧaiyndardyŋ şynaiy otanşyldyǧy är kez barşa jūrt qūrmet tūtuǧa laiyqty dep esepteimız.
Sonymen bırge el täuelsızdık alǧan alǧaşqy jyldary şettegı Qandastardyŋ elge keluıne mūryndyq bolǧan Smaǧūl Elubai, Mūhtar Şahanov, Dulat İsabekov(Dulat aǧamyzdy prezident şaqyruyna bailanysty kelealmady) siiaqty ūlt köşbasşylaryn şaqyryp, aǧalarǧa barşa qandastar atynan "rahmet" aityp iyǧyna şapan japty.
Basqosuǧa är sala ökılderınen 30 ǧa juyq azamattar qatysyp, öz ömır joldary, jetken jetıstıkterın aityp, elmen bölıstı, osy jetıstıkterınıŋ bärı Täuelsızdıktıŋ arqasynda bolǧanyn aityp, rizaşylyǧyn bıldırdı.
Elım, jerım deitın jandar bolsa, erım deitın el tabylary haq. Osyndai ūltynyŋ bolaşaǧy men kemel keleşegınıŋ kemesınıŋ jelkenın keŋ jaia, är salanyŋ maitalmany bolar nar tūlǧalar bolsa, elımızdıŋ egemendıgı mäŋgı bolyp qala bermek.
Jiyn soŋynda "Täuelsızdıktıŋ 30 jyldyǧyna" arnap, Qazaqstannyŋ Ortalyq mūrajaiyna qandastar atynan "ESTELIK" tartu ettı.
"Adyrna" ūlttyq portaly
