Şymkenttegı "Asyl jürek" ortalyǧy zeinetkerlerdıŋ ömır belsendılıgın arttyruda

Şymkenttegı zeinetkerlerdı sauyqtyruǧa arnalǧan «Asyl jürek» ortalyǧy 2019 jyldyŋ nauryz aiynda aşylǧan. Mūnda künıne 4 saǧat aqysyz jartylai stasionarlyq jaǧdaiynda medisinalyq jäne arnauly äleumettık qyzmetter körsetıledı. Ortalyq ekı auysymda jūmys jasap, bır auysymda 30 adamǧa deiın qyzmet körsetedı. Bügınde karantin talaptary boiynşa kündızgı stasionarda 65 jasqa deiıngı zeinetkerlerdı qabyldap otyr. - Ortalyqtyŋ kün tärtıbı zeinetkerlerdı därıgerlık tekseruden bastalady. Qarttarǧa joǧary sanatty kardiolog, terapevt, nevropatolog jäne fizioterapevt därıgerlerı qyzmet körsetedı. Juyrda mekemede fizioterapiia kabinetı aşylyp, köpfunksionaldy «Polimag» qondyrǧysy ıske qosylyp, köptegen syrqattarǧa emdık qasietı bar qūrylǧy koronavirus pen pnevmoniiadan keiıngı asqynularmen küreste kömegı orasan. Mekemede qariialardyŋ emdık massaj qabyldap, psihologiialyq treningter, sportpen şūǧyldanuyna barlyq mümkındık jasalǧan. Sondai-aq, ortalyq qyzmetkerlerınıŋ bılıktılıgın arttyruǧa da erekşe köŋıl bölıngen. Demaluşy qariialar aptasyna 2 kün suda jüzıp, dendrosaiabaqqa seruenge şyǧady-deidı ortalyq direktory Mauiia Aldanazarova. Ortalyqta jyl basynan berı 120 zeinetker 1 ai kölemınde arnauly äleumettık qyzmet aldy (jyldyq kölemı – 740 adam). Aldaǧy uaqytta ortalyqtyŋ qala audandarynda bölımşelerın aşu josparlanuda. Atalǧan ortalyqqa kelu üşın jeke käulık pen zeinet kıtapşasynyŋ köşırmesı, medisinalyq kartany toltyryp, HQKO arqyly ötınım beredı. Ötınım negızınde joldama qalalyq jūmyspen qamtu jäne äleumettık qorǧau basqarmasy tarapynan berıledı. Jalpy, Şymkent qalasy boiynşa zeinetkerler sany – 82 821, sonyŋ ışınde ŪOS ardagerler sany – 20, tyl eŋbekkerlerı – 3153. Köp balaly analar sany – 43 932, onyŋ ışınde «Altyn alqa», «Kümıs alqa» belgılerımen marapattalǧandar – 10 667, zeinet jasyndaǧy köp balaly analar – 2 377.