«ShAŃYRAQ» BAǴDARLAMASY BOIYNShA AZAMATTARǴA PÁTER KILTTERI TABYSTALDY

1768
Adyrna.kz Telegram

Shymkent qalasynda «Shańyraq» jeńildetilgen nesıelik baǵdarlamasymen kezekte turǵan 483 azamat baspanaly boldy.

Qazaqstan Respýblıkasy Táýelsizdiginiń 30 jyldyǵyna jáne Tuńǵysh Prezıdent kúnine oraı ınfraqurylymdyq jáne kommýnaldyq qyzmetteri iske qosylǵan Turan shaǵyn aýdanyndaǵy 483 páterli 10 turǵyn úıdi búgin Shymkent qalasy ákiminiń orynbasary M.Aımanbetov páter ıelerine tabystady.

Búgingi tańda qalada bıýdjet esebinen 88 úıdiń qurylysy júrgizilse, onyń ishinde “Shańyraq” baǵdarlamasynyń qatysýshalyryna 27 turǵyn úı (1728) boıynsha azamattardy qonystandyrý jumystary kezeń-kezeńimen júzege asyrylýda.

Elimizide baspanamen qamtý kórsetkishi sońǵy jyldary aıtarlyqtaı ósip, búginde qurylys salýdyń jańa ádisterin, zamanaýı materıaldardy, sondaı-aq ǵımarattardyń jobasy men qala qurylysynyń josparyn jasaǵanda tıimdi tásilderdi qoldaný boıynsha aýqymdy jumystar jasalyp keledi.

Qazirgi ýaqytta qalada salynatyn jáne salynǵan úılerdiń sapasy, ekologııalyq tazalyǵy, energııalyq tıimdiligi men ınfraqurylymdyq nysandardy ıntellektýaldy basqarý júıelerimen jabdyqtalýy basty nazarda.

Shymkent qalasy respýblıka boıynsha turǵyn úı qurylysy óte qarqyndy júrip jatqan aımaqtardyń qatarynda ekenin jáne turǵyndardyń ómir súrý jaǵdaılaryn jaqsartý men turǵyn úı ıpotekasynyń qoljetimdiligin arttyrýǵa múmkindik bergen ıpotekalyq nesıelendirýdiń jańa baǵdarlamasy búginde oń nátıje kórsetip otyr.

2020 jyly qalamyzda 649,1 sharshy metrge baspana salynǵan, osy jyly bul kórsetkishti 1 mln. sharshy metrge jetkizý kózdelip otyrǵanyn jetkizgen qala ákiminiń orynbasary M.Aımanbetov Táýelsizdiktiń 30 jylda jetken mereıin tasytyp abyroıyn asqaqtatatyn úlken belesti jeńis ekenin atap ótti.

Pikirler