Qalamyzda úsh kúnge sozylǵan «Shymkent ónimderi» jergilikti otandyq taýar óndirýshiler kórmesi ótti. Kórmege jalpy 90 nan astam kásiporyn qatysyp, halyqqa óz ónimderin tanystyrdy.
«Halyq tańdaýy» arqyly daýys berý qorytyndysy boıynsha eń kóp daýys jınaǵan 10 kásiporyn jáne ár sala boıynsha úzdik ónim shyǵaratyn 9 kásiporyn jeńimpaz atandy. Jeńimpazdar qarjylaı jáne baǵaly syılyqtarmen marapattaldy.
Sonyń ishinde, «Hımııa ónerkásibi» salasynyń jeńimpazy Sultanqulov Qaǵanat Abdýrahmanuly basqaratyn «Best Home Kz» JShS bolyp tanyldy. «Ońtústik» ındýstrııaly aımaǵynda ornalasqan kásiporyn 2018 jyldan bastap iske qosylǵan. Búgingi tańda, Túrkistan, Jambyl oblystarynda lak-boıa ónimderin shyǵaratyn ehtary da iske qosylyp, halyqty sapaly ónimmen qamtamasyz etýde.
Sońǵy 10 aıdyń kórsetkishimen 400 tonnadan astam ónim shyǵarǵan lak-boıa ehi «New Color» brendimen Sýly-dıspersııalyk boıaý, akrıldy boıaý, laktar, akrıldy jelim, sándik sylaqtar shyǵarýmen aınalysady. Sapaly lak-boıaý ónimderin óndirýdiń zamanaýı tehnologııalary, ımporttyq jabdyqtar, qyzmetkerlerdiń joǵary biliktiligin alǵa tarta otyryp, qarqyndy jumys jasaýda.
Shymkent qalasynyń Aqparattyq-kommýnıkaııalyq ortalyǵy
