Búgin Ońtústik Qazaqstan memlekettik pedagogıkalyq ýnıversıtetinde ujymnyń uıymdastyrýymen "Jyr arqaýy - Táýelsizdik" taqyrybynda respýblıkalyq aqyndar aıtysy ótti. Jyr dodasy el Táýelsizdiginiń 30 jyldyǵyna, Tuńǵysh Prezıdent kúni men qoǵam qaıratkeri Ó.Jánibekovtiń 90 jyldyǵyna arnaldy.
Aıtysqa Nur-Sultan, Aqtóbe, Óskemen, Túrkistan oblysy men Shymkent qalasynan 12 aıtysker jas aqyn qatysty.
Aıtysqa Batyrbek Ótep atyndaǵy «Óner» mektebiniń dırektory, aıtysker aqyn Marjan Esjanova, Kárıma Oralova, «Aqparat salasynyń úzdigi», aqyn Qajymuqan Abzalov, Qazaqstan jáne Ózbekstan Jazýshylar odaǵynyń múshesi, aqyn Bóribaı Orazymbetov, OQMPÝ-dyń «Qazaq tili men ádebıeti» kafedrasynyń doenti, fılologııa ǵylymdarynyń kandıdaty Narıman Nurpeıisov qazylyq etti.
Aıtysty oqý ornynyń rektory Gúljan Súgirbaeva ashyp, jastarǵa aq jol tiledi. Jyr dodasyn aıtysker aqyny Birjan Baıtýov júrgizdi.
Aldymen aıtysqa nur-sultandyq Dáýren Ysqaq pen bala aqyn Allajar Saparhan shyqty. Aıta keterligi, Allajar Saparhan «Qarataý» dástúrli óner mektebiniń 4 synyp oqýshysy. Atalmysh juptyń aıtysy kezinde bala aqynnyń aıtys ónerine kórermen erekshe yqylas bildirdi.
Budan ári, OQMPÝ-dyń túlegi, ári aqyndar úıirmesiniń jetekshisi Nurǵalı Ánápııa men shyǵystyń dúldúli Aısholpan Tileýtaı arasyndaǵy qyz ben jigit aıtysy da kórermenderdi bir silkintip tastady. Sonymen birge, Shymkenttik Meıirjan Jarylqap pen túrkistandyq Nurdáýlet Ómirbekov, shymkenttik Aıan Nııazbek pen elordalyq Muhıt Babaqul, sondaı-aq, saıramdyq Jandos Myrzabekov pen Almaty qalasynan kelgen Aıym Asylbekqyzy jáne shymkenttik Abylaı Qultaı men aqtóbelik Nartaı Tileýquldardyń aıtystary tartysty, órnekti boldy.
Jurtty jelpintip, tyńdarmanǵa túıdek-túıdek sóz marjanyn tartý etken aıtys qorytyndysy boıynsha Nartaı Tileýqul, Muhıt Babaqul, Abylaı Qultaı, Jandos Myrzabek, Nurdáýlet Ómirbek, Meıirjan Jarylqap, Dáýren Ysqaq Allajar Saparhan aıtystyń yntalandyrý syılyǵyna ıe boldy. Sondaı-aq, Allajar Saparhan yntalandyrý syılyǵyna qosa qazylar alqasynyń tóraıymy Marjan Esjanovanyń taǵaıyndaǵan 5O myń teńgesin oljalady.
Al Shyǵystan kelgen Aısholpan Tóleýtaı júldeli 3-oryn alyp, eki júz myń teńgege, Aıan Nııazbek 2-oryn alyp tórt júz myń teńgege ıe boldy. Almatylyq arý Aıym Asylbekqyzy júldeli 1-oryn alyp, jeti júz myń teńgege qol jetkizdi.
Al Bas júlde úshin tigilgen bir mıllıon teńge Nurǵalı Ánapııaǵa buıyrdy.
Shymkent qalasynyń Aqparattyq-kommýnıkaııalyq ortalyǵy
