Shymkent qalalyq klınıkalyq balalar aýrýhanasynyń hırýrgteri týmasynan aýyr dertke shaldyqqan 4 jasar balaǵa kúrdeli ota jasady. Náreste kúninde sepsıspen aýyrǵan balaqaıdyń aıaǵy irińdep, san súıegi shyǵyp ketken. Sonyń saldarynan balaqaı ózdiginen aıaq basyp júre almaı qalǵan.
Tósekke tańylǵan balaqaıdy aıaǵyna turǵyzý úshin dárigerler hırýrgııalyq emniń kúrdeli ádisin qoldanǵan. Operaııa kezinde balalar hırýrgteri naýqastyń aıaǵynyń zaqymdalǵan aımaqtaryn hırýrgııalyq jolmen tazalap shyqty. Keıin patologııalyq shyqqan san súıegin býynǵa ornalastyryp beripti.
«Balanyń aıaǵy náreste kezinen irińdep ketkendikten, býyn jandarynda anatomııalyq ózgerister bolǵan. Saldarynan san súıegin joǵarydan tómen túsirý qıyn boldy. Degenmen, biz anatomııalyq ózgergen tinderin tazalap, súıegin 2 sm tómen túsirdik. Ota sátti ótti, bala óz erkimen qımyldaı alady. Bul balaǵa birneshe ota jasaımyz», - deıdi ortoped-travmatalog Bolat Nusqabaev.
Medıına mamandarynyń sózinshe, mundaı otalar sırek jasalady. Operaııa kúrdeli ári birneshe hırýrgııalyq em kezeńinen ótýi qajet.
