Shymkent qalalyq perınataldyq ortalyqtyń dárigerleri júktiliktiń 39 aptasynda jatyry jyrtylyp, aýyr halde perzenthanaǵa túsken ana men balasyn aman alyp qaldy.
Aıjan Abdýllaeva aýyr halde jedel járdem qyzmetimen qalalyq perınataldyq ortalyqqa jetkizilgen. Kóp qan joǵaltqan júkti áıeldiń jatyryndaǵy tyrtyǵy jyrtylyp, ishtegi balasynyń júrek soǵysy toqtap túsken. Ana men balanyń ómirin alyp qalý úshin ortalyqtyń dárigerleri shuǵyl túrde ota jasap, kesir tiligi arqyly bosandyryp aldy.
Jańa týǵan shaqalaqtyń kindik pýlsaııasy joq, júrek soǵýy baıaýlap, tynys almaǵan. Balalar dárigerleri sábıge shuǵyl túrde reanımaııalyq kómek kórsetip, ajaldan arashalady. Jeti kúndeı jasandy tynys alý apparatynda jatqan sábıdiń qazirgi jaǵdaıy jaqsy.
Al aýyr halde perzenthanaǵa túsken anasy 3 kún jansaqtaý bóliminde jatty. Bilikti dárigerler áıeldiń jatyryn qaıta qalpyna keltirip, ómirine tóngen qaýiptiń aldyn aldy.
«Áıeldiń jatyry jyrtylyp ketkendikten qandy kóp joǵaltqan. Balasy men anasyn aman alyp qalý qıyn boldy. Biraq bul kúnder artta qaldy. Qazir ekeýiniń de jaǵdaıy jaqsy. Al áıeldiń jatyryn saqtap qaldyq. Mundaı jaǵdaıda týylatyn shaqalaqtar kóp jaǵdaıda shetinep ketedi. Balanyń kórer jaryǵy bar eken. Buǵan qosa perınataldyq ortalyqtaǵy mamandar joǵary deńgeıde kómek kórsetip, bir emes, eki jannyń ómirin saqtap qaldy», - degen perınataldyq ortalyq bas dárigeriniń orynbasary Dáýlet Satov jýyq arada perzenthanadan shyǵatynyn jetkizdi.
"Adyrna" ulttyq portaly.
